Pawan Kalyan : దాదాపు ఆరు నెలల తర్వాత పవన్ కళ్యాణ్ తన వారాహి వాహనంతో మళ్లీ ప్రజల్లోకి రాబోతున్నారు. గత ఏడాది వారాహి విజయ యాత్ర పేరుతో అందరి దృష్టిలో పడ్డ పవన్ కళ్యాణ్ ఈసారి ‘వారాహి విజయ భేరి’ పేరుతో రాబోతున్నాడు. తాను పోటీ చేయనున్న పిఠాపురం స్థానం నుంచి ఆయన ఎన్నికల ప్రచారాన్ని ప్రారంభించనున్నారు. రేపు సాయంత్రం నాలుగు గంటలకు పిఠాపురంలోని చేబ్రోలు రామాలయం సెంటర్‌లో బహిరంగ సభ నిర్వహించనున్నారు.
చదవండి:Anupama Parameswaran: రూట్ మార్చింది హిట్ కొట్టింది
ఈ సభ అనంతరం తెనాలి, నెల్లిమర్ల, యలమంచిలి, పెందుర్తి, అనకాపల్లి నియోజకవర్గాల్లో ఎన్నికల ప్రచారం నిర్వహించనున్నారు. ముందుగా జనసేన పార్టీ పోటీ చేసే 21 నియోజకవర్గాల్లో ఎన్నికల ప్రచారం నిర్వహించనున్నారు. ఎన్నికలకు ముందు ఈ ప్రాంతాల్లో మూడు సార్లు పర్యటించాలని పవన్ కళ్యాణ్ ప్లాన్ చేస్తున్నారు. అంతే కాకుండా టీడీపీ, బీజేపీలు పోటీ చేసే స్థానాల్లో పవన్ కళ్యాణ్ విస్తృతంగా పర్యటించనున్న సంగతి తెలిసిందే. ఈ ‘వారాహి విజయ భేరి’ యాత్ర మూడు దశల్లో ఉంటుంది.
చదవండి:Bangalore : జాబ్ పోయింది.. లాప్ టాప్ ల దొంగతనం స్టార్ట్ చేసిన ఇంజనీర్
