Leopard In Delhi : దేశ రాజధాని న్యూ ఢిల్లీల్లో చిరుత పులి కలకలం సృష్టించింది. అక్కడి బురారీ ప్రాంతంలో ఒక ఇంటి కప్పు మీద నుంచి ఇంకో ఇంటి కప్పు మీదికి దూకుతూ హల్‌చల్‌ చేసింది. పలువురిపై దాడి చేసి గాయపరిచింది. ఈ ఘటనలో ఐదుగురికి గాయాలు అయినట్లు స్థానిక అధికారులు వెల్లడించారు. దేశ రాజధానిలో ఈ ఘటన జరగడంతో అందరూ ఇప్పుడు ఈ ఘటనపై ఆరా తీస్తున్నారు.
చదవండి : యాంటీ బయాటిక్స్‌, పెయిన్‌కిల్లర్లు ఇక మరింత ప్రియం
ఈ మధ్య కాలంలో క్రూర జంతువులు జనావాసాల్లోకి, సిటీల్లోకి వచ్చే ఘటనలు నానాటికీ పెరిగిపోతున్నాయి. అటవీ ప్రాంతాలకు సమీపంలో ఉండే గ్రామాల్లో ఇలాంటి ఘటనలు ఎక్కువగా జరుగుతూ ఉంటాయి. కాకపోతే ఈ ఘటన ఏకంగా రాజధాని ఢిల్లీ(Delhi) నగరంలో జరగడం గమనార్హం.
చదవండి : భార్యతో కలిసి స్టెప్పులేసిన రాజమౌళి.. వీడియో వైరల్‌
చిరుత దాడిలో ఐదుగురు గాయపడటంతో స్థానికులు ఈ విషయమై స్థానిక అధికారులకు సమాచారం అందించారు. దీంతో పోలీసులు, అటవీ శాఖ సిబ్బంది ఆ ప్రాంతానికి చేరుకున్నారు. స్థానికుల సహాయంతో చిరుతను(Leopard) ఓ ఇంట్లోని గదిలో బంధించారు. దీంతో అక్కడి వారంతా ఊపిరి పీల్చుకున్నారు. ఈ చిరుత ఇంటి కప్పుల పై నుంచి దూకుతూ, పరుగులు తీస్తూ ఉన్న దృశ్యాలను పలువురు స్థానికులు తమ ఫోన్లలో బంధించారు. ఆ ఫోటోలను సోషల్‌ మీడియాలో పోస్ట్‌ చేశారు. అవి ప్రస్తుతం వైరల్‌గా మారాయి.
