రైళ్లలో అనేక మార్పులు చోటుచేసుకుంటున్నాయి. అప్పట్లో పొగ బండ్ల దగ్గరి నుంచి తాజాగా అందుబాటులోకి రానున్న హై స్పీడ్ల రైళ్ల వరకూ చరిత్ర సుదీర్ఘమైందని చెప్పొచ్చు. గత కొన్ని రోజుల నుంచి దేశవ్యాప్తంగా వందే భారత్ రైళ్లు అందుబాటులోకి వస్తున్నాయి. ఈ నేపథ్యంలో చాలా ఏళ్లుగా ఎదురుచూస్తున్న హైస్పీడ్ రైళ్లు కూడా ప్రయాణికులకు అందుబాటులోకి రానున్నట్లు రైల్వే శాఖ ప్రకటించింది.
చదవండి: Modi: 9 వందే భారత్ రైళ్లను ఒకేసారి ప్రారంభించిన ప్రధాని మోడీ
తాజాగా రైల్వే శాఖ మంత్రి అశ్వినీ వైష్ణవ్ ఈ హై స్పీడ్ రైళ్ల సర్వీసుల గురించి కీలక విషయాలను వెల్లడించారు. దేశంలోనే తొలి హైస్పీడ్ ట్రైన్ మరో 6 నెలల్లో అందుబాటులోకి రానుందని కేంద్ర మంత్రి అశ్వినీ వైష్ణవ్ వెల్లడించారు. గుజరాత్ లోని సనంద్‌లో సెమీ కండక్టర్ కంపెనీ మైక్రాన్ ప్లాంట్ శంకుస్థాపన కార్యక్రమంలో ఆయన ఈ కీలక ప్రకటన చేశారు.
చదవండి: Tamilnadu: అవయవ దానం చేస్తే అధికార లాంఛనాలతో అంత్యక్రియలు
ఈ హై స్పీడ్ రైళ్లు అత్యాధునిక టెక్నాలజీతో నడుస్తాయని, సుదూర ప్రాంతాలను సైతం క్షణాల్లోనే చేరుకునే విధంగా వీటిని రూపొందించినట్లు కేంద్ర మంత్రి అశ్వినీ వైష్ణవ్ తెలిపారు. దేశ వ్యాప్తంగా ఈ హై స్పీడ్ రైళ్ల సంఖ్య కూడా భారీగా పెరుగుతుందన్నారు. అందుకోసం ప్రత్యేక చర్యలు తీసుకుంటున్నట్లు వెల్లడించారు.
