Elon Musk congratulates PM Modi : ‘అత్యధిక ఫాలోవర్లు ఉన్న ప్రధాని మోదీకి కంగ్రాట్స్‌’ అంటూ టెస్లా చీఫ్‌ ఎలాన్‌ మస్క్‌ ట్వీట్‌ చేశారు. ప్రధాన మంత్రి నరేంద్ర మోదీకి ఈ మధ్య కాలంలోనే ఎక్స్‌ ఖాతా ఫాలోవర్ల సంఖ్య 10 కోట్లు దాటింది. ప్రపంచంలో ఇప్పటి వరకు ఏ నేతకు ఇంత మంది ఫాలోవర్లు లేరు. దీంతో ఈ మార్కును సాధించిన తొలి నేతగా, ఒకే ఒక్క నేతగా మోదీ(PM Modi) రికార్డు సృష్టించారు. ఈ విషయాన్ని స్వయంగా మోదీయే ఎక్స్‌ ద్వారా వెల్లడించారు. ఈ నేపథ్యంలో అభినందనలు తెలుపుతూ ఎలాన్‌ మస్క్‌(Elon Musk ) ట్వీట్‌ చేయడం విశేషం.
చదవండి : బంగ్లా అల్లర్ల నేపథ్యంలో సరిహద్దులు దాటి దేశంలోకి వస్తోన్న భారతీయులు
ప్రపంచ వ్యాప్తంగా ఉన్న పెద్ద పెద్ద సెలబ్రిటీలకు సైతం ఇంత పెద్ద మొత్తంలో ఎక్స్‌ ఫాలోవర్లు లేరు. పాప్‌ గాయని టేలర్‌ స్విఫ్ట్‌కు 95.3 మిలియన్ల మంది ఫాలోవర్లు ఉన్నారు. లేడీ గాగాకు 83.1 మిలియన్లు, కిమ్‌కర్డేషియన్‌కు 75.2మిలియన్లు మంది ఫాలోవర్లు ఉన్నారు. పోప్‌ ఫ్రాన్సిస్‌కు 18.5 మిలియన్ల మంది, విరాట్‌ కోహ్లీకి 64.1మిలియన్ల మంది ఉన్నారు. ఇక రాజకీయ నాయకుల్లో అయితే జోబైడెన్‌కు 38.1మిలియన్లు, దుబాయ్‌ షేక్‌ ముహమ్మద్‌కు 11.2మిలియన్ల మంది మాత్రమే ఉన్నారు. కాంగ్రెస్‌నేత రాహుల్‌ గాంధీకి 2.64కోట్లు, ఢిల్లీ సీఎం కేజ్రీవాల్‌కు 2.75కోట్ల మంది ఫాలోవర్లు ఉన్నారు. వీరందరికీ అందనంత ఎత్తులో మోదీ ఉండటం గమనార్హం. ఈ నేపథ్యంలోనే ఎలాన్‌ మస్క్‌(Elon Musk) ఇలా ట్వీట్‌ చేశారు. దానిపై మీరూ ఓ లుక్కేయండి.
చదవండి : సానియా మీర్జాతో పెళ్లి పుకార్లపై ఫైర్‌ అయిన షమీ
Congratulations PM @NarendraModi on being the most followed world leader!
— Elon Musk (@elonmusk) July 19, 2024
