Rahul Gandhi : భారత్ జోడో న్యాయ్ యాత్ర నేటితో ఐదో రోజుకు చేరుకుంది. రాహుల్ గాంధీ నేతృత్వంలో జనవరి 14న ప్రారంభమైన కాంగ్రెస్ భారత్ జోడో న్యాయ్ యాత్ర అస్సాంకు చేరుకుంది. భారత్ జోడో న్యాయ్ యాత్ర నాగాలాండ్ నుంచి అస్సాంలోకి ప్రవేశించింది. ఈరోజు రాహుల్ గాంధీ నాగాలాండ్‌లోని తులి నుండి బస్సులో తన యాత్రను తిరిగి ప్రారంభించి ఉదయం 9:45 గంటలకు అస్సాంలో ప్రవేశించారు. అస్సాంలోని హాలోవింగ్‌లో వందలాది మంది పార్టీ కార్యకర్తలు ఆయనకు స్వాగతం పలికారు. జాతీయ జెండాను అసోం కాంగ్రెస్ నేతలకు అందజేశారు. రాష్ట్రంలో 8 రోజుల పాటు యాత్ర సాగనుంది. అస్సాంలో ఈ యాత్ర దాదాపు 17 జిల్లాల గుండా 833 కిలోమీటర్ల దూరం సాగుతుంది. ఇక్కడ రాహుల్ గాంధీ శివసాగర్ జిల్లా, జోర్హాట్ జిల్లాలో రెండు బహిరంగ సభలలో కూడా ప్రసంగించనున్నారు. ఈ సమయంలో రాహుల్ గాంధీ బహిరంగ సభకు ముందు ఇక్కడ రోడ్ షో కూడా నిర్వహించనున్నారు. రానున్న లోక్‌సభ ఎన్నికల దృష్ట్యా అస్సాంపై కాంగ్రెస్ ప్రత్యేక దృష్టి సారించింది.
చదవండి:Samantha చేసిన అతి పెద్ద తప్పు అదేనా?
శివసాగర్ జిల్లాలో హాలోవింగ్‌లో రాహుల్ గాంధీ మాట్లాడుతూ.. భారతదేశంలో అత్యంత అవినీతి ప్రభుత్వం బహుశా అస్సాంలోనే ఉందని అన్నారు. బీజేపీ, ఆర్‌ఎస్‌ఎస్‌లు విద్వేషాలు రెచ్చగొట్టి ప్రజా ధనాన్ని దోచుకుంటున్నాయని అన్నారు. ఈ పర్యటనలో అస్సాం సమస్యలను లేవనెత్తుతాం. అంతకుముందు రాహుల్ గాంధీ భారత్ జోడో న్యాయ యాత్ర సందర్భంగా నాగాలాండ్‌లోని మోకోక్‌చుంగ్ నగరంలో జరిగిన ర్యాలీలో ప్రసంగించారు. గత తొమ్మిదేళ్లలో నాగా రాజకీయ సమస్యకు పరిష్కారం కనుగొనడంలో ప్రధాని నరేంద్ర మోడీ ఏమీ చేయలేకపోయారని ఆయన అన్నారు. నాగా ప్రజలను విశ్వాసంలోకి తీసుకోకుండా, వారితో చర్చించకుండా ఈ సమస్యకు పరిష్కారం దొరకదని కూడా రాహుల్ అన్నారు.
చదవండి:Ketika Sharma: సాయి ధరమ్ తేజ్ ప్రేమలో యంగ్ హీరోయిన్?
ఇంతలో కాంగ్రెస్ పార్టీ తన వెబ్‌సైట్, ఈ-మెయిల్ ఐడిని విడుదల చేసింది. 2024 లోక్‌సభ ఎన్నికల కోసం తన మేనిఫెస్టో కోసం ప్రజల నుండి సలహాలను కోరింది. కాంగ్రెస్ ఎంపీ తలపెట్టిన 6,713 కిలోమీటర్ల సుదీర్ఘ యాత్ర జనవరి 14న మణిపూర్‌లో ప్రారంభమై మార్చి 20న ముంబైలో ముగుస్తుంది. జనవరి 25 వరకు అస్సాంలో కొనసాగుతుంది. భారత్ జోడో న్యాయ్ యాత్ర దాదాపు 15 రాష్ట్రాల్లోని 110 జిల్లాలను కవర్ చేయనుంది.
