‘వరల్డ్ ఫేమ్ లవర్’ సినిమాతో తాము నష్టపోయామని, తమకు ఎలాంటి సహాయం లేదా అని ఆ మూవీ నిర్మాత అభిషేక్ నామా ట్వీట్ చేశాడు. దానికి విజయ్ దేవరకొండ తండ్రి గోవర్ధనరావు స్పందించారు. ‘వరల్డ్ ఫేమస్ లవర్’ విడుదలైన తర్వాత విజయ్ దేవరకొండ తన రెమ్యునరేషన్‌లో చెప్పుకోదగ్గ భాగాన్ని తీసుకోలేదని, ఈ విషయం నిర్మాత కెఎస్ రామారావుకు తెలుసని గోవర్ధన్ రావు వివరించారు. తాను అభిషేక్ నామాతో కలిశానని, ‘వరల్డ్ ఫేమస్ లవర్’, ‘ఖుషి’ సినిమా కలెక్షన్లకు ఎలాంటి సంబంధం లేదని పేర్కొన్నాడు.
చదవండి: OG కథ లీక్.. పవన్ ఫ్యాన్స్‌కు పండగే!
విజయ్ మార్కెట్ పడిపోయిందని, అవకాశం ఇస్తే విజయ్‌తో కలిసి పని చేస్తానని, అభిషేక్ నామా ద్వంద్వ వైఖరిని కలిగి ఉన్నాడని విజయ్ తండ్రి కూడా పేర్కొన్నాడు. అభిషేక్ నామా విధానం “బ్లాక్‌మెయిల్ స్కీమ్” లాంటిదని, అది పని చేయదని విజయ్ తండ్రి తేల్చి చెప్పారు. దిల్ రాజు, మైత్రీ మూవీ మేకర్స్ మరియు గీతా ఆర్ట్స్ వంటి ప్రముఖ నిర్మాతలతో కలిసి పనిచేయడానికి విజయ్ దేవరకొండ సిద్ధంగా ఉన్నాడని కూడా ఆయన తెలిపారు. అయినప్పటికీ ఆయన కుమారుడు అభిషేక్ నామాతో కలిసి పనిచేయడం లేదని క్లారిటీ ఇచ్చాడు.
