‘లైగర్’ సినిమా సెట్స్ పై ఉండగానే.. పూరి జగన్నాథ్‌తో ‘జనగణమన’ సినిమా మొదలు పెట్టాడు విజయ్ దేవరకొండ. అలాగే శివ నిర్వాణ దర్శకత్వంలో ‘ఖుషి’ అనే సినిమా కూడా స్టార్ట్ చేశాడు. సమంత హీరోయిన్‌గా నటిస్తున్న ఈ సినిమా ప్రస్తుతం సెట్స్ పై ఉంది. అయితే లైగర్ ఫ్లాప్ అవడంతో జేజిఎం ప్రాజెక్ట్‌ను పక్కకు పెట్టేసినట్టు ప్రచారంలో ఉంది. ఇదే కాదు రౌడీ పాన్ ఇండియా స్టార్ డమ్ కలల్ని కూడా నాశనం చేసింది లైగర్ మూవీ. దాంతో ఖుషి సినిమా పైనే భారీ ఆశలు పెట్టుకున్నాడు విజయ్. ఇక ఈ సినిమా తర్వాత సుకుమార్‌తో ఓ సినిమా చేయాల్సి ఉంది విజయ్ దేవరకొండ. కానీ ప్రస్తుతం సుక్కు ‘పుష్ప2’ మూవీతో బిజీగా ఉన్నాడు. ఇది అయిపోయిన తర్వాతే ఈ క్రేజీ ప్రాజెక్ట్ ఉండే ఛాన్స్ ఉంది. ఇదిలా ఉంటే గతంలో విజయ్ కొన్ని బడా నిర్మాణ సంస్థలతో సినిమాలు చేసేందుకు కమిట్ అయ్యాడు.
ఆ క్రమంలో దిల్ రాజు దగ్గర అడ్వాన్స్ కూడా తీసుకున్నట్టు టాక్. దాంతో ఇప్పుడు దిల్ రాజు బ్యానర్లో సినిమా చేసేందుకు చర్చలు జరుగుతున్నాయట. అందులోభాగంగా దిల్ రాజు ఇంద్రగంటి మోహనకృష్ణ లేదా హరీష్ శంకర్‌తో సినిమా ప్లాన్ చేస్తున్నట్టు సమాచారం. ఇదిలా ఉండగానే వైజయంతి బ్యానర్లో నాని హీరోగా వచ్చిన’ఎవడే సుబ్రహ్మణ్యం’ సినిమాలో ఫ్రెండ్ పాత్రలో నటించాడు విజయ్ దేవరకొండ. ఇక ఆ తర్వాత హీరోగా మంచి స్టార్ డమ్ అందుకున్నాడు విజయ్. దాంతో వైజయంతితో ఓ సినిమాకు కమిట్ అయ్యాడట రౌడీ. అయితే ఇన్నాళ్లకు ఈ బ్యానర్లో సినిమా ఓకే అయినట్టు తెలుస్తోంది. అది కూడా ఫ్యామిలీ మ్యాన్ వెబ్ సిరీస్‌తో సంచలనం సృష్టించిన దర్శకులు రాజ్ డీకేలతో ఈ ప్రాజెక్ట్ ఉండబోతోందని సమాచారం. సమంతతో ది ఫ్యామిలీ మ్యాన్ 2 సిరీస్‌తో మరోసారి సంచలనం క్రియేట్ చేసిన ఈ టాలెంటెడ్ డైరెక్టర్స్.. రీసెంట్‌గా విజయ్‌కి ఓ కథను వినిపించగా.. అది బాగా నచ్చి అశ్వనీదత్ దగ్గరికి వెళ్ళినట్టు సమాచారం. దాంతో ఈ ప్రాజెక్ట్ దాదాపు ఫిక్స్ అయినట్టేనని అంటున్నారు. త్వరలోనే దీనికి సంబధించిన అధికారిక ప్రకటన రానుందని తెలుస్తోంది. ప్రస్తుతం రాజ్ అండ్ డీకే.. సమంత, వరుణ్ ధావన్‌ జంటగా ఓ వెబ్ సిరీస్ ప్లాన్ చేస్తున్నారు. ఆ తర్వాత రౌడీ హీరోతో సినిమా ఉండే ఛాన్స్ ఉందంటున్నారు.
