Sreeleela in the presence of Tirumala. Visited Lord Venkateswara
Sreeleela: తెలుగు హీరోయిన్ శ్రీలీల (Sreeleela) తిరుమలలో సందడి చేశారు. వెంకటేశ్వర స్వామిని దర్శించుకున్న అనంతరం ఆయన సన్నిధిలో మీడియాకు కనిపించారు. మంగళవారం ఉదయం వీఐపీ బ్రేక్ దర్శనంలో ప్రత్యేక పూజలు నిర్వహించారు. శ్రీలీలకు దర్శనం ఏర్పాటు చేసిన టీటీడీ అధికారు తనకు అసౌకర్యం కలుగకుండా చూసుకున్నారు. రంగనాయకుల మండపంలో పండితులు, వేదమంత్రాలతో ఆశీర్వచనం చేసి స్వామివారి తీర్థప్రసాదాలను శ్రీలీలకు అందించారు. అనంతరం ఆలయం బయట మీడియాతో మాట్లాడారు. శ్రీలీల మాట్లాడుతూ.. వెంకటేశ్వర స్వామిని దర్శించుకోవడం ఎంతో సంతోషంగా ఉందన్నారు. ఏదైనా ప్రారంభించేప్పుడు స్వామివారిని దర్శించుకోవడం తనకు అలవాటని పేర్కొన్నారు. త్వరలో రాబిన్ హుడ్ చిత్రంలో తాను నటిస్తున్నట్లు చెప్పారు.
తెలుగు, కన్నడ చిత్రాలలో బిజీగా ఉన్న ఈ బ్యూటీ త్వరలో బాలీవుడ్‌ రంగప్రవేశం చేయనుంది. హీరో వరుణ్‌ ధావన్‌‌తో కలిసి ఓ చిత్రంలో శ్రీలీల హీరోయిన్‌గా కనిపించనుంది. ఆ చిత్రంలో మరో హీరోయిన్ మృణాల్‌ ఠాకూర్‌ కూడా నటిస్తుంది. ఈ చిత్రం ట్రయింగిల్ లవ్ స్టోరీ అని తెలుస్తుంది. కామెడీ, లవ్‌స్టోరీతో తెరకెక్కుతున్న ఈ చిత్రానికి డేవిడ్‌ ధావన్‌ దర్శకత్వం వహిస్తున్నారు. ఈ సినిమాతో పాటు తెలుగులో పలు చిత్రాలలో నటిస్తుంది. పవన్ కల్యాణ్, హరీష్ శంకర్ దర్శకత్వంలో తెరకెక్కతునన్ భవదీయుడు భగత్ సింగ్ చిత్రంలో శ్రీలీల హీరోయిన్‌గా నటిస్తుంది. అలాగే రవితేజతో మరో సినిమాలో నటిస్తుంది.
చదవండి:Salman Khan and Rajinikanth: మరో మల్టీ స్టారర్ మూవీ.. ఇద్దరు స్టార్ హీరోలు ఎవరంటే..?
