Satyam Rajesh: తెలుగు సినిమా పరిశ్రమలో సత్యం రాజేష్ గురించి ప్రత్యేకంగా చెప్పక్కర్లేదు. అతని బాడీ లాంగ్వేజ్‌, డిఫరెంట్‌ డైలాగ్‌ మాడ్యులేషన్ అన్ని గుర్తుకొస్తాయి. హిట్ సినిమాలో మంచి పాత్రలే చేయడంతో తన గ్రాఫ్ అమాంతం పెరిగిపోయింది. తక్కువ బడ్జెట్‌లో తీసిన పొలిమేర 1 సినిమా ఓటీటిలో రిలీజ్ అయి సూపర్ హిట్ టాక్ తెచ్చుకుంది. అయితే ఆ సినిమా హిట్ కావడానికి ముఖ్య కారణం మాత్రం సత్యం రాజేష్ అని చెప్పవచ్చు. దీంతో పొలిమేర 2ని ధియేటర్‌లో రిలీజ్ చేసేంత డిమాండ్ వచ్చింది. ఇది కూడా సూపర్ డూపర్‌ హిట్ కావడంతో రాజేష్ కెరీర్‌ మరో మెట్టు ఎక్కింది. మరో మెట్టేం ఖర్మ.. చాలా మెట్లు ఎక్కింది.
ఇది కూడా చూడండి: Hero Karthikeya: హనుమంతుడి సెంటిమెంట్ కార్తికేయకు వర్క్‌వుట్ అవుతుందా?
ప్రస్తుతం రాజేష్ చేతిలో చెప్పుకోదగ్గ సంఖ్యలోనే సినిమాలున్నాయి. అన్నింట్లో రాజేషే లీడ్‌ రోల్ ప్లే చేస్తున్నాడు. అయితే రాజేష్ హీరోగా చేసిన టెనెంట్‌ సినిమా ఈ నెల 19న విడుదల కాబోతుంది. ఈ సందర్భంగా జరిగిన ప్రెస్‌మీట్‌లో రాజేష్ పుట్టినరోజు వేడుకలు ఆహ్లాదకరంగా జరిగాయి. ప్రముఖ నటుడు ప్రియదర్శి ముఖ్య అతిధిగా వచ్చాడు. తాను రాజేష్ అభిమాని అని చెబుతూ, రాజేష్ యాక్టింగ్‌ టాలెంట్‌ అంటే తనకి ఎంతో ఇష్టమని చెప్పాడు. తర్వాత రాజేష్ మాట్లాడుతూ, టెనెంట్‌ సినిమా తనకి మంచి సక్సెస్‌ని తెస్తుందని చెప్పాడు.ఈ క్రమంలో రాజేష్‌ను మీరు పెద్ద హీరోలకి విలన్‌ పాత్రలు వస్తే చేస్తారా అని మీడియా అడిగితే మాత్రం సమాధానం చెప్పడానికి తెగ ఇబ్బంది పడిపోయాడు. వస్తే తప్పకుండా చేస్తానండీ. కాకపోతే ఎవరితో చేస్తానో తెలియదు కదా.. దానికి తగ్గట్టుగా బాడీని పెంచుకోవాలి.
ఇది కూడా చూడండి: Avantika Vandanapu: రపుంజల్ పాత్రలో అవంతిక సెట్ కాదని.. ఘోరంగా ట్రోల్ చేస్తున్న అమెరికన్లు
బాడీ లాంగ్వేజ్‌ డైరెక్టర్‌ చెప్పినట్టుగా అలవాటు చేసుకోవడం వంటివన్నీ ఉంటాయి కదా అని తెలిపారు. ఈ సందర్భంగా టెనెంట్‌ సినిమా ట్రైలర్‌ని విడుదల చేశారు. ట్రైలర్ చాలా ఎఫెక్టివ్‌గా ఉంది. ఇంట్రెస్ట్ క్రియేట్‌ చేసింది. రావణాసురుడు సీతని ఎత్తుకెళ్లిపోతే, సీతకి ఎందుకు శిక్ష పడింది అనే డైలాగ్‌ మొత్తం సినిమా రేంజ్‌ని పెంచిందనే చెప్పాలి. పరుచూరి బ్రదర్స్ రేంజ్‌ డైలాగ్‌ అది. డైలాగులు కూడా దర్శకుడు యుగంధరే రాసుకున్నాడు. ఈ చిత్రంలో రాజేష్ రొమాన్స్ చేశాడు. అది కూడా ట్రైలర్‌లో ఓ షాట్‌ కట్ చేశారు. తను చేసిన రొమాన్స్ గురించి చెప్పినప్పుడు మాత్రం ఆ సీన్లో చేసిన హీరోయిన్‌ కన్నా రాజేష్ ఎక్కువ సిగ్గుపడిపోయాడు. హారర్‌ ధ్రిల్లర్స్ బాగా ఆడుతున్న రోజుల్లో.. టెనెంట్‌ కూడా హిట్ అయ్యే అవకాశాలు మెండుగా ఉన్నాయి.
