ఈ మధ్య లేడీ పవర్ స్టార్ సాయి పల్లవి కాస్త సైలెంట్ అయిపోయింది. దాంతో అమ్మడు సినిమాలకు గుడ్ బై చెప్పనుందనే వార్తలొచ్చాయి. కానీ తమిళ్‌లో ఓ సినిమా చేస్తోంది. అలాగే తన దగ్గరికి వచ్చిన ఆఫర్లను రిజెక్ట్ చేస్తునే ఉంది. ఫిదా సినిమాతో టాలీవుడ్‌లోకి ఎంట్రీ ఇచ్చిన ఈ బ్యూటీ.. యూత్‌లో మంచి ఫ్యాన్ పాలోయింగ్ సంపాదించుకుంది. గ్లామర్‌ విషయంలో ఏనాడు కూడా హద్దులు దాటకుండా సినిమాల చేస్తూ వస్తోంది సాయి పల్లవి. అందుకే సినిమాల ఎంపికలో ఆచితూచి అడుగులేస్తుంటుంది.
చదవండి: Alluarjun: బన్నీ కోసం ట్రై చేస్తున్న మాస్ డైరెక్టర్?
పాత్ర నచ్చితేనే ఓకె చెబుతుంది.. లేదంటే మొహం మీదే నో చెప్పేస్తుంది. తాజాగా చంద్రముఖి 2ని కూడా సాయి పల్లవి రిజెక్ట్ చేసిందనే న్యూస్ వైరల్‌గా మారింది. సూపర్ స్టార్ రజనీకాంత్ నటించిన ‘చంద్రముఖి’ సినిమాకి సీక్వెల్ తెర కెక్కుతున్న సంగతి తెలిసిందే. పి. వాసు డైరెక్ట్ చేస్తున్న ఈ సినిమాలో.. రాఘవ లారెన్స్ హీరోగా నటిస్తున్నాడు. బాలీవుడ్ బ్యూటీ కంగనా రనౌత్ హీరోయిన్ చంద్రముఖిగా నటించింది. సెప్టెంబర్ 15న తమిళంతో పాటు తెలుగు, హిందీ, కన్నడ, మలయాళ భాషల్లో ఈ సినిమా విడుదల కానుంది.
చదవండి: Divya Spandana: స్టార్ హీరోయిన్ మృతి.. నేను చనిపోలేదు రేపొస్తున్న అంటున్న దివ్య స్పందన
ఈ క్రమంలో.. ‘చంద్రముఖి 2’లో ముందుగా కంగనా పాత్రకు సాయి పల్లవిని అనుకున్నారట మేకర్స్. కానీ ఆ ఆఫర్ ను సాయి పల్లవి తిరస్కరించినట్లు తెలుస్తోంది. అయితే సాయి పల్లవి ఎందుకు ఈ ఆఫర్‌ను రిజెక్ట్ చేసిందో తెలియదు గానీ.. నో చెప్పి మంచి పని చేసిందనే కామెంట్స్ వినిపిస్తున్నాయి. ఎందుకంటే.. చంద్రముఖి 2 ట్రైలర్ చూసిన తర్వాత ఊహించిన స్థాయిలో లేదనే టాక్ నడుస్తోంది. ఒకవేళ సినిమా ఏ మాత్రం తేడా కొట్టినా ట్రోలింగ్ ఓ రేంజ్‌లో జరిగే ఛాన్స్ ఉంది. అందుకే.. సాయిపల్లవి ట్రోలింగ్ బారి నుంచి తప్పించుకుందనే కామెంట్స్ వినిపిస్తున్నాయి. మరి చంద్రముఖి 2 ఎలా ఉంటుందో చూడాలి.
