మెగా హీరో వైష్ణవ్ తేజ్ (Vaishnav Tej) ‘ఆదికేశవ’ సినిమాతో (Adikeshava Movie) ప్రేక్షకుల ముందుకు వస్తున్నాడు. సితార నాగవంశీ, సాయి సౌజన్య సంయుక్తంగా ఈ మూవీని నిర్మించారు. ఈ మూవీకి శ్రీకాంత్ ఎన్ రెడ్డి దర్శకత్వం వహించారు. జీవీ ప్రకాశ్ కుమార్ మ్యూజిక్ అందిస్తున్న ఈ మూవీ ట్రైలర్ విడుదలైంది. నవంబర్ 24వ తేదిన ఆదికేశవ మూవీని థియేటర్లలో విడుదల చేస్తున్నట్లు మేకర్స్ ఈ సందర్భంగా ప్రకటించారు. ఈ తరుణంలో మూవీ మేకర్స్ ప్రమోషన్స్ పనులలో వేగం పెంచారు.
ఆదికేశవ మూవీ ట్రైలర్ :
ఆదికేశవ మూవీ ట్రైలర్ (Trailer Release) చూస్తుంటే ఇది లవ్, రొమాన్స్, కామెడీ, యాక్షన్‌తో కూడుకున్నదిగా ఉన్నట్లు తెలుస్తోంది. ట్రైలర్లో రొమాన్స్, యాక్షన్ సీన్స్ కట్ చేసి విడుదల చేశారు. ఈ మూవీలో జోజు జార్జ్ పవర్ ఫుల్ విలన్‌గా కనిపించనున్నాడు. రాధిక కీలక పాత్రలో కనిపించనుంది. ట్రైలర్ లో యాక్షన్ సీన్స్ (Action Scenes) అదిరిపోయాయి.
చదవండి: Sudheer: రిస్క్ చేస్తున్న సుడిగాలి సుధీర్, యానిమల్‌ను తట్టుకుంటాడా?
గ్రామీణ నేపథ్యంలో ఈ కథ సాగనున్నట్లు తెలుస్తోంది. క్వారీ తవ్వకాలకు అడ్డొస్తుందని ఓ పురాతన శివాలయాన్ని విలన్ పడగొట్టాలని చూస్తాడు. ఆ సమయంలో మన హీరో అడ్డుపడి విలన్ అంతు చూస్తాడు. ఈ లైన్ చుట్టూనే కథ సాగుతుందని తెలుస్తోంది. ట్రైలర్ (Adikeshava Trailer)లో హీరో వైష్ణవ్ తేజ్, హీరోయిన్ శ్రీలీల చెప్పే డైలాగ్స్ అందర్నీ ఆకట్టుకుంటున్నాయి.
