పుష్ప సినిమాతో పాన్ ఇండియా స్టార్‌గా మారిన నేషనల్ క్రష్‌ రష్మిక మందన్నకు ఊహించని షాక్ ఇచ్చారనే చెప్పాలి. అస్సలు తన క్రేజ్ తనే షాక్ అయింది. ప్రస్తుతం అందుకు సంబంధించిన వీడియో సోషల్ మీడియాను షేక్ చేస్తోంది.
Rashmika Mandanna: ప్రస్తుతం మన స్టార్ హీరోలకు ప్రపంచ వ్యాప్తంగా ఫ్యాన్స్ ఉన్నారు. ప్రభాస్, ఎన్టీఆర్, రామ్ చరణ్, అల్లు అర్జున్‌ లాంటి హీరోలు.. పాన్ ఇండియా లెవల్లోనే కాదు.. గ్లోబల్ రేంజ్‌లో మంచి పాపులారిటీ సొంతం చేసుకున్నారు. అయితే.. హీరోలే కాదు హీరోయిన్లకు కూడా విదేశాల్లో మంచి క్రేజ్ ఉంది. పుష్ప సినిమాతో సెన్సేషన్ అయిన రష్మిక క్రేజ్ చూస్తే.. వావ్ అనాల్సిందే. ఇండియాలో అంటే రష్మికకు సూపర్ క్రేజ్ ఉంది. కానీ జపాన్‌లో రష్మిక క్రేజ్‌కు షాక్ అవాల్సిందే. తాజాగా క్రంచీరోల్ అనిమీ అవార్డ్స్‌లో భారత్ తరపున పాల్గొనేందుకు టోక్యో వెళ్లింది రష్మిక మందన్న.
గ్లోబల్ ఈవెంట్‌గా జరుగుతున్న ఈ అవార్డ్స్ కార్యక్రమంలో మన దేశం నుంచి రష్మిక రిప్రజెంట్ చేస్తోంది. దీంతో.. ఈ గౌరవం దక్కిన ఏకైక నటిగా రష్మిక నిలిచింది. ఇక రష్మిక టోక్యో ఎయిర్ పోర్ట్‌లో దిగడమే లేట్ అన్నట్టుగా.. జపాన్ ఫ్యాన్స్ గ్రాండ్ వెల్కమ్ చెప్పారు. రష్మిక ఫొటోస్‌తో డిజైన్ చేసిన ఫ్లకార్డులు చూపిస్తూ వెల్కమ్ చెప్పారు. దీంతో.. రష్మిక కాస్త ఆశ్చర్యపోయింది. వావ్.. స్వీట్ అంటూ సర్ప్రైజ్ అయింది. దీంతో రష్మిక ఫుల్ ఖుషీ అయిపోయింది.
నేషనల్ క్రష్‌గా గుర్తింపు తెచ్చుకున్న రష్మికకు జపాన్ లోనూ ఫ్యాన్స్ ఉన్నారనే చెప్పాలి. అయితే.. ఇప్పుడే ఇలా ఉంటే.. పుష్ప2 రిలీజ్ అయిన తర్వాత అమ్మడి క్రేజ్ నెక్స్ట్ లెవల్‌కి వెళ్లిపోవడం గ్యారెంటీ. ఆగష్టు 15న పుష్ప2 రిలీజ్ కానుంది. ఈ సినిమాతో బన్నీ, సుకుమార్ వెయ్యి కోట్లు టార్గెట్ చేస్తున్నారు. మరి అప్పుడు రష్మిక క్రేజ్ ఏ రేంజ్‌కు వెళ్తుందో చూడాలి.
