Rainbow Song Release In Takkar Movie
Takkar Movie: చార్మింగ్ హీరో సిద్ధార్థ్ (siddharth) కొత్త మూవీ ‘టక్కర్’ (Takkar). మూవీ నుంచి ‘రెయిన్ బో’ అనే పాట విడుదల చేశారు. ఈ రోజు సాయంత్రం 4 గంటలకు చిత్ర బృందం విడుదల చేసింది. మూవీకి నివాస్ కె ప్రసన్న సంగీతం అందించగా, కృష్ణకాంత్ అన్ని పాటలకు సాహిత్యం అందించారు. ‘కయ్యాలే’ ఫుల్ వీడియో సాంగ్ విడుదల చేసి సరికొత్త ట్రెండ్‌కి శ్రీకారం చుట్టారు. ‘రెయిన్ బో’ సాంగ్ కూడా ఫుల్ వీడియో విడుదల చేసి ఆ ట్రెండ్ ని కొనసాగించారు.
పాట చిత్రీకరణ ఇలా
హీరో హీరోయిన్లు కారులో వెళ్తూ, దారిలో కలిసిన వారితో సరదాగా గడుపుతున్నట్టుగా పాట చిత్రీకరణ జరిగింది. నివాస్ కె ప్రసన్న మరోసారి తన మ్యూజిక్‌తో మ్యాజిక్ చేశారు. సంగీతానికి తగ్గట్టుగా సిద్ధార్థ్ తన ఎనర్జిటిక్ డ్యాన్స్ చేశారు. “రెయిన్ బో చివరే ఒక వర్ణం చేరెలే” అంటూ కృష్ణకాంత్ పాటను కొత్తగా ఎత్తుకున్నారు. ఆయన సాహిత్యం ఎప్పటిలాగే కట్టిపడేసేలా ఉంది. సంగీతానికి, సాహిత్యానికి తగ్గట్లుగా బెన్నీ దయాల్, వృష బాబు ఎంతో ఉత్సాహంగా పాటను ఆలపించారు. మొత్తానికి ‘టక్కర్’ (Takkar) నుంచి విడుదలవుతున్న ప్రతి పాట ఆకట్టుకుంటూ సినిమాపై అంచనాలను పెంచేస్తున్నాయి.
3 పాటలు రిలీజ్
ఇంతకుముందు ‘కయ్యాలే’, ‘పెదవులు వీడి మౌనం’, ‘ఊపిరే’ పాటలు రిలీజ్ చేయగా.. ప్రేక్షకుల నుంచి ఆదరణ లభించింది. టక్కర్ (Takkar) మూవీకి కార్తీక్ జి. క్రిష్ దర్శకత్వం వహిస్తుండగా.. పీపుల్ మీడియా ఫ్యాక్టరీ బ్యానర్ పై అభిషేక్ అగర్వాల్ ఆర్ట్స్, పాషన్ స్టూడియోస్‌తో కలిసి టీజీ విశ్వప్రసాద్ నిర్మిస్తున్నారు. వివేక్ కూచిభొట్ల సహా నిర్మాతగా వ్యవహరిస్తున్నారు. మూవీలో దివ్యాంశ కౌశిక్ హీరోయిన్ రోల్ పోషిస్తున్నారు. ఈ జూన్ 9వ తేదీన తెలుగు, తమిళ భాషల్లో సినిమా విడుదల కానుంది. ఇప్పటికే విడుదలైన మూవీ టీజర్, ట్రైలర్ ప్రేక్షకులను ఆకట్టుకుంది.
గ్రాండ్ విక్టరీ
సరికొత్త మేకోవర్‌తో కనిపిస్తోన్న సిద్ధార్థ్ (siddharth).. ఈ మూవీతో మరో భారీ విజయం అందుకోవడం ఖాయం అనే అంచనాలు ఉన్నాయి. ఈ రొమాంటిక్ యాక్షన్ రైడ్ ప్రేక్షకులను ఆకట్టుకొని ఘన విజయం సాధిస్తుందని మేకర్స్ అంటున్నారు. మూవీలో అభిమన్యు సింగ్, యోగి బాబు, మునీశ్ కాంత్, ఆర్జే విజ్ఞేశ్ కాంత్ తదితరులు నటిస్తున్నారు. నివాస్ కే ప్రసన్న సంగీతం అందిస్తున్న ఈ చిత్రానికి సినిమాటోగ్రాఫర్‌గా వాంచినాథన్ మురుగేశన్, ఎడిటర్‌గా జీఏ గౌతమ్, ఆర్ట్ డైరెక్టర్‌గా ఉదయ కుమార్ కె వ్యవహరిస్తున్నారు.
