ఐకాన్ స్టార్ అల్లు అర్జున్ నటిస్తున్న పుష్ప పై ఇప్పటి వరకు ఎలాంటి అప్డేట్ లేదు. ఈ నెలలోనే షూటింగ్ స్టార్ట్ అయిందని చెబుతున్నా.. అధికారిక ప్రకటన మాత్రం ఇవ్వడం లేదు. దాంతో బన్నీ ఫ్యాన్స్ అసహనంగా ఉన్నారు. ఇప్పటికే సోషల్ మీడియా వేదికగా.. పుష్ప2 అప్డేట్ ఇవ్వాలంటూ డిమాండ్ చేస్తున్నారు.అక్కడితో ఆగకుండా గీతా ఆర్ట్స్ ఆఫీస్ ముందు నిరసన కూడా వ్యక్తం చేశారు.
అలాగే నెక్ట్స్ మైత్రీ మూవీ మేకర్స్ ఆఫీస్ ముందు ధర్నాహెచ్చరిస్తున్నారు. ఒక్క తెలుగు అభిమానులే కాదు.. మిగతా భాషల్లోను పుష్ప 2 అప్డేట్ కావాలంటూ బ్యానర్లు పట్టుకొని రోడ్డుకేక్కారు బన్నీ ఫ్యాన్స్. అందుకు సంబంధించిన ఫోటోలు సోషల్ మీడియాలో హల్ చల్ చేస్తున్నాయి. అయినా కూడా ఇప్పుడు పుష్ప2 మరింత ఆలస్యం కానుందనే వార్తలొస్తున్నాయి.
ఇటీవలె షూటింగ్ మొదలైందని.. బన్నీ ఆఫ్రికా నుంచి తిరిగొచ్చిన తర్వాత జాయిన్ అవుతాడని వార్తలొచ్చాయి. అయితే ఇప్పుడు పుష్ప ఫస్ట్ పార్ట్ కోసం రష్యాకు వెళ్తున్నాడట అల్లు అర్జున్. ఇప్పటికే పుష్ప మూవీని రష్యాలో డబ్ చేసి రిలీజ్ చేసేందుకు సన్నాహాలు జరుగుతున్నాయి. ఈ లోపే మాస్కోలో జరగనున్న ఓ ఫిల్మ్ ఫెస్టివల్‌లో..
పుష్ప స్పెషల్ స్క్రీనింగ్ కోసం.. బన్నీ-సుకుమార్ రష్యా వెళ్తున్నట్టు తెలుస్తోంది. అలాగే రిలీజ్ సందర్భంగా పుష్ప సినిమాను ప్రమోషన్స్ కూడా చేయబోతున్నారు. దాంతో పుష్ప 2 సినిమా షూటింగ్ మరింత ఆలస్యం అవుతుందని అంటున్నారు. ఇప్పటికైనా రిలీజ్ డేట్‌తో పాటు షూటింగ్ అప్టేట్ ఇవ్వాలంటున్నారు. మరి దీనిపై సుకుమార్ టీం క్లారిటీ ఇస్తుందేమో చూడాలి.
