పవర్ స్టార్ పవన్ కళ్యాణ్ ఫ్యాన్స్ ఎలా ఉంటారో ప్రత్యేకంగా చెప్పనక్కర్లేదు. పవన్ వెన్నంటే పవర్ ఫుల్ సైన్యంలా ఉంటారు అభిమానులు. అయితే ఈ అభిమానుల లిస్ట్‌లో బండ్ల గణేష్‌దే ఫస్ట్ ప్లేస్. పవన్‌ను ఆరాధ్య దైవంలా కొలుస్తాడు బండ్లన్న. అందుకే పవన్ గురించి బండ్లన్న చేసే స్పీచ్ అంటే మెగా ఫ్యాన్స్‌కు ఎంతో ఇష్టం. దానికోసం పవర్ స్టార్ ఈవెంట్లకు పట్టుబట్టి మరీ బండ్లన్నను పట్టుకొచ్చే ప్రయత్నం చేస్తుంటారు. బండ్ల కూడా పవర్ స్టార్‌ను పొగుడుతూ.. హై ఓల్టేజ్ స్పీచ్‌తో ఫ్యాన్స్‌కు పూనకాలు తెప్పిస్తుంటాడు. అయితే ఈ మధ్య ఇలాంటి వాటికి కాస్త గ్యాప్ పెరిగిపోయిందనే చెప్పాలి. అయినా పవన్ పై అబిమానాన్ని చాటుకోవడానికి.. ఏదో ఒక పోస్ట్ పెడుతూ ఫ్యాన్స్‌కు కిక్ ఇస్తునే ఉన్నాడు బండ్ల. కానీ ఒక్కోసారి అనవసరమైన విషయల్లో.. పవన్‌ను మధ్యలోకి లాగుతుంటాడు. ఇదే ఇప్పుడు పవన్ ఫ్యాన్స్‌ను కలవరపెడుతోంది.
తాజాగా బండ్ల గణేష్ చేసిన ఓ ట్వీట్ సోషల్ మీడియాలో వైరల్‌గా మారింది. ఓ ఈవెంట్‌లో యంగ్ హీరోలు అడివి శేష్, టీజే టిల్లు ఫేమ్ సిద్దు జొన్నలగడ్డ కాలు మీద కాలు వేసుకుని కూర్చుకున్నారు. ఈ ఫొటోలతో పాటు పవన్ కళ్యాణ్ చేతులు కట్టుకుని కూర్చొని ఉన్న ఫొటోలు షేర్ చేస్తూ.. ‘నమస్కారానికి నిలువెత్తు నిదర్శనం మా దేవర దయచేసి నేర్చుకోండి.. ఆచరించండి.. అది మన ధర్మం..’ అంటూ రాసుకొచ్చాడు బండ్ల. అసలా పోలికేంటి.. అనవసరంగా ఇలాంటి పోస్ట్‌లు పెట్టి పవన్ స్థాయిని తగ్గించోద్దని ఫైర్ అవుతున్నారు అభిమానులు. బండ్లన్న వదిలేయ్.. వాళ్లేమైనా పవన్ ముందు అలా కూర్చున్నారా.. వదిలేయ్ అన్నా.. అని అంటున్నారు. నెటిజన్స్ కూడా దీనిపై రకరకాలు కామెంట్స్ చేస్తున్నారు. కొంతమంది బండ్లన్న కావాలనే కంట్రవర్శీ చేస్తున్నాడని అంటున్నారు.
