Michael Jackson: పాప్ మ్యూజిక్ కింగ్ మైఖేల్ జాక్సన్ గురించి ప్రత్యేకంగా చెప్పక్కర్లేదు. ఇతని గురించి తెలియని వాళ్లంటూ ఎవరూ ఉండరు. కేవలం పాప్ మ్యూజిక్ అనే కాదు.. సింగర్, డ్యాన్సర్, సాంగ్ రైటర్‌గా కూడా జాక్సన్ పేరు పొందాడు. అయితే జాక్సన్ బయోపిక్‌పై ఓ సినిమా తెరకెక్కబోతుంది. మైఖేల్ పేరుతో వస్తున్న ఈ మూవీ వచ్చే ఏడాది 18న ప్రపంచవ్యాప్తంగా రిలీజ్ కాబోతుంది. ఇందులో మైఖేల్ పాత్రలో అతని అల్లుడు జాఫర్ జాక్సన్ పోషిస్తున్నాడు. అయితే తాజాగా ఈ మూవీ ఫస్ట్ లుక్ రిలీజ్ అయ్యింది.
ఇది కూడా చూడండి: Droupadi Murmu: పేపర్‌ లీకుల నిరోధక బిల్లుకు రాష్ట్రపతి ఆమోద ముద్ర
జాఫర్ అచ్చం మైఖేల్ జాక్సన్‌లాగా కనిపిస్తున్నాడు. తెల్లటి వీ నెక్ టీషర్ట్‌పై బటన్స్ లేకుండా షర్ట్ వేసుకుని, బ్లాక్ ప్యాంట్‌లో పోనీటెయిల్‌లో కనిపించాడు. ఈ పోస్టర్ చూసిన మైఖేల్ జాక్సన్ అభిమానులు ఇద్దరూ ఒకేలా ఉన్నారంటున్నారు. ఈ మూవీ ప్రొడ్యూసర్ గ్రాహమ్ కింగ్ మాట్లాడుతూ జాఫర్‌తో ప్రతి లుక్, ప్రతి నోట్, ప్రతి డ్యాన్స్ కదలిక అచ్చం మైఖేల్ లాగే ఉంటుంది. ఏ ఇతర నటుడికి సాధ్యం కాని రీతిలో మైఖేల్ పాత్రను అతడు అచ్చు దించేశాడు. గతంలో మైఖేల్ జాక్సన్‌తో కలిసి పని చేసిన వాళ్లు ఇప్పుడు సినిమా కోసం మళ్లీ వచ్చారని తెలిపారు. ప్రస్తుతం మైఖేల్ ఫస్ట్ లుక్ పోస్టర్ సోషల్ మీడియాలో వైరల్ అవుతుంది.
ఇది కూడా చూడండి: Gold and silver prices : భారీగా తగ్గిన బంగారం, వెండి ధరలు
