Brahmanandam To Star Alongside His Son Raja Goutham!
Brahmanandam: బ్రహ్మానందం తెలుగు సినిమాలో గొప్ప కమెడియన్ అని నిస్సందేహంగా చెప్పవచ్చు. సోషల్ మీడియాలో కంటెంట్ సృష్టికర్తలు మీమర్స్ అందరూ… బ్రహ్మానందాన్ని తమ దేవుడుగా పిలుచుకుంటారు. వారు ఎలాంటి మీమ్ వేయాలన్నా.. గురూజీ బొమ్మ పడాల్సిందే. ఇప్పటి వరకు ఎన్నో వందల చిత్రాల్లో నటించి మనల్ని బ్రహ్మానందం అలరించారు. అయితే… కొంతకాలంగా ఆయన పలు ఆరోగ్య సమస్యలతో బాధపడుతున్నారు. అందుకే… ఈ మధ్య ఎలాంటి సినిమాలు అంగీకరించడం లేదు. చాలా కాలంగా సినిమాలకు దూరంగా ఉంటున్నారు. అయితే… రీసెంట్ గా ఆయన తన ఫ్యాన్స్ కి ఓ గుడ్ న్యూస్ చెప్పారు. మళ్లీ ఆయన వెండి తెరపై కనిపించనున్నారు.
చదవండి:YS Jagan: జగన్ కి వ్యతిరేకంగా మారుతున్న తెలుగు ఫిల్మ్ ఇండస్ట్రీ..!
విశేషం ఏంటంటే.. ‘బ్రహ్మ ఆనందం’ అనే సినిమాలో పూర్తి నిడివి ప్రధాన పాత్రలో ‘బ్రహ్మి’ కనిపించనున్నాడు. R. V. S. నిఖిల్ దర్శకత్వం వహించిన ఈ చిత్రంలో అతని కుమారుడు రాజా గౌతమ్ కూడా రెండవ కథానాయకుడిగా నటిస్తున్నారు. మేకర్స్ విడుదల చేసిన ప్రోమో పూర్తిగా ఫన్ ఎంటర్‌టైనర్ అని హామీ ఇచ్చింది. చాలా కాలం తర్వాత ఆయన తెరపై కనిపించడమే కాకుండా.. తన కొడుకుతో కలిసి ఈ సినిమాలో నటించడం విశేషం. ఆయన ఫ్యాన్స్ కి ఈ మూవీ మంచి ట్రీట్ లా ఉంటుందని దర్శక నిర్మాతలు కూడా చెబుతున్నారు. కొడుకును మళ్లీ ఇండస్ట్రీలో నిలపెట్టాలని ప్రయత్నించే భాగంలోనే ఆయన ఈ సినిమా అంగీకరించినట్లు తెలుస్తోంది. ఇక మూవీ విషయానికి వస్తే.. ఇటీవలి హారర్ చిత్రం మసూద (2022)ను నిర్మించిన స్వధమ్ ఎంటర్‌టైన్‌మెంట్ ఈ ప్రాజెక్ట్‌ను బ్యాంక్రోల్ చేస్తోంది. ప్రస్తుతం ప్రీ-ప్రొడక్షన్‌లో ఉంది, ఈ ప్రాజెక్ట్ అతి త్వరలో సెట్‌పైకి వెళ్లనుంది, డిసెంబర్ 6, 2024న విడుదల చేయాలని మేకర్స్ లక్ష్యంగా పెట్టుకున్నారు.
చదవండి:Ram Pothineni: రామ్ పోతినేని ఓటిటి ఎంట్రీ?
