Good news for the audience.. Any movie on May 31 Rs. 99
Movie Lover’s Day: మూవీలవర్స్ కోసం మల్టీప్లెక్స్ అసోసియేషన్ ఆఫ్ ఇండియా ఓ గుడ్ న్యూస్ చెప్పింది. సినిమా లవర్స్ డే సందర్భంగా ఈ నెల 31న దేశవ్యాప్తంగా ఏ సినిమా అయినా కేవలం రూ. 99కే టికెట్ అందిస్తున్నట్లు వెల్లడించింది. ఇందులో పీవీఆర్, ఐనాక్స్, సినీపోలిస్ వంటి మల్టీప్లెక్స్‌లతో సహా మొత్తం దేశంలో 4 వేలకుపైగా ఉన్న స్క్రీన్లలో ఇదే టికెట్ ధర ఉంటుందని పేర్కొంది. ఈ నిర్ణయం వెనుక బిజినెస్ స్ట్రాటజీ ఉన్నట్లు అర్థం అవుతుంది. ఇప్పటికే ప్రేక్షకులు థియేటర్లకు దూరం అవుతున్న విషయం తెలిసిందే. పెద్ద సినిమాలు విడుదలై మంచి టాక్ వస్తే థియేటర్లకు వస్తున్నారు. లేదంటే ఓటీటీలో చూసుకుంటున్నారు. ఇలాంటి సమయంలో టికెట్ రేట్లను తగ్గించడవ వలన ప్రేక్షకులను ఆకర్షించవచ్చు అనేది వీరి ప్లాన్.
చదవండి:Pushpa2TheRule: పుష్ప 2 నుంచి సూసేకి పాట వచ్చేసింది.. ఎలా ఉందంటే?
అంతే కాకుండా దేశవ్యాప్తంగా ఎన్నికల హడావిడి, ఐపీఎల్ క్రికెట్‌ కారణంగా ప్రేక్షకులు థియేటర్ల వైపు తొంగిచూడాలేదు. ఇదే సమయంలో టాలీవుడ్, బాలీవుడ్‌లో కూడా స్టార్ హీరోల సినిమా పెద్దగా రిలీజ్ కాలేదు. ఇక విడుదలైన చిన్న సినిమాలు పెద్దగా ఆకట్టుకోలేదు. దీంతో మల్టీప్లెక్స్ అసోసియేషన్ టికెట్లపై డిస్కౌంట్ ప్రకటించింది. బుక్ మై షో, పేటీఎం, అమెజాన్ పే లాంటి ఆన్ లైన్ ప్లాట్‌ఫామ్స్ ద్వారా ఈ ఆఫర్ వినియోగించుకోవచ్చు అని పేర్కొంది. అయితే టికెట్ ధర కేవలం రూ. 99 అయినా జీఎస్టీ, కన్వీనియన్స్ ఫీజు అదనంగా చెల్లించాల్సి ఉంటుంది. డైరెక్టు థియేటర్లో టికెట్ తీసుకుంటే అవేమి ఉండవు. ఇక మే31న గ్యాంగ్స్ ఆఫ్ గోదావరి, మిస్టర్ అండ్ మిసెస్ మహి, ఛోటా భీమ్ అండ్ ద కర్స్ ఆఫ్ డమ్ యాన్, హైక్యూ ద డంప్ స్టర్ బ్యాటిల్ లాంటి సినిమాలు విడుదల అవుతున్నాయి.
Cinema Lovers Day returns on 31st May with movies for just Rs 99/-!
🍿Join us at cinemas across India to celebrate a day at the movies. Over 4000+ screens are participating, making it an unforgettable cinematic experience!#CinemaLoversDay pic.twitter.com/b2XAOC3yxy— Multiplex Association Of India (@MAofIndia) May 28, 2024
