రీ ఎంట్రీ తర్వాత చేసిన ఐదు సినిమాల్లో రెండు రీమేక్, రెండు స్ట్రెయిట్ సినిమాలున్నాయి. సైరా నరసింహారెడ్డి, ఆచార్య, వాల్తేరు వీరయ్య స్ట్రెయిట్ సినిమాలు కాగా.. ఖైదీ నెం.150, గాడ్ ఫాదర్ రీమేక్ సినిమాలు. ఒక్క ఆచార్య తప్పితే ఈ సినిమాల రిజల్ట్స్ అన్ని బ్యాలెన్స్‌డ్‌గా ఉన్నాయి. మెగాస్టార్ కెరీర్లో ఆచార్య అతిపెద్ద డిజాస్టర్‌గా నిలిచింది. కానీ ఆ తర్వాత వచ్చిన గాడ్ ఫాదర్ పర్వాలేదనిపించింది. అయితే పోయిన సంక్రాంతికి వచ్చి వాల్తేరు వీరయ్య బాక్సాఫీస్ దగ్గర కాసుల వర్షం కురిపించింది. ఈ సినిమాతో మెగాస్టార్ స్టామినా ఏంటో మరోసారి ప్రూవ్ అయింది. ఆచార్య, గాడ్‌ఫాదర్‌ ఫలితాలతో చిరు మార్కెట్‌ చాలా వరకు దెబ్బతిందని అనుకుంటున్న సమయంలో.. వాల్తేరు వీరయ్య మెగాస్టార్ మార్కెట్‌ను మరింత పెరిగింది.
చదవండి: Anantha Movie: ఆకట్టుకుంటున్న ‘అనంత’ మూవీ ట్రైలర్
అందుకే లేటెస్ట్ ఫిల్మ్ రీమేక్ అయినా కూడా భారీగా బిజినెస్ జరుపుకుంటున్నట్టు సమాచారం. ‘వేదాళం’ రీమేక్‌గా ‘భోళాశంకర్‌’ని తెరకెక్కిస్తున్నాడు మెహర్ రమేష్. ఆగష్టు 11న ఈ సినిమాను రిలీజ్ చేసేందుకు సన్నాహాలు చేస్తున్నారు. రీసెంట్‌గా భోళా మేనియా సాంగ్ రిలీజ్ చేయగా మంచి రెస్పాన్స్ వస్తోంది. ప్రస్తుతం ఈ సినిమా షూటింగ్ చివరి దశలో ఉంది. దాంతో ఇప్పటికే బిజినెస్ డీల్స్ కూడా స్టార్ట్ అయినట్టు సమాచారం. ఒక్క నైజాంలోనే ఈ సినిమాకు 25 నుంచి 27 కోట్ల బిజినెస్ జరిగిందట.
చదవండి: Japan: రియల్ లైఫ్ దొంగ కథే.. జపాన్..!
సీడెడ్‌లో 15 కోట్లు, ఆంధ్రాలో ఏకంగా 40 కోట్ల రేంజ్‌లో భోళా శంకర్ బిజినెస్ జరిగిందట. మొత్తంగా రెండు తెలుగు రాష్ట్రాల్లో కలిపి ఈ సినిమాకు దాదాపు 80 కోట్లకు పైగా బిజినెస్ జరిగినట్లు సమాచారం. దీంతో భోళా శంకర్‌కు భారీ డిమాండ్ ఉందని చెప్పొచ్చు. ఏకే ఎంటర్టైనమెంట్స్ నిర్మిస్తున్న ఈ సినిమాలో.. తమన్నా హీరోయిన్‌గా నటిస్తుండగా.. కీర్తి సురేష్‌ చిరుకు చెల్లెలుగా కనిపించనుంది.
