టాలీవుడ్(Tollywood) సినిమాల్లో వెరైటీ కాన్సెప్ట్‌తో తెరకెక్కుతోన్న సినిమా ‘మామా మశ్చీంద్ర’ (Maama Mascheendra). యువ హీరో సుధీర్ బాబు (Sudheer Babu) నటిస్తోన్న ఈ సినిమా యాక్షన్ డ్రామా నేపథ్యంలో తెరకెక్కుతోంది. ఈ మూవీకి యాక్టర్ హర్షవర్ధన్ దర్శకత్వం వహిస్తుండటం విశేషం. సినిమాలో సుధీర్ బాబు మూడు విభిన్న గెటప్స్ తో కనిపిస్తారు. తాజాగా ఈ సినిమా టీజర్ (Movie Teaser)కు సంబంధించిన అప్‌డేట్ ను సుధీర్ బాబు అందించారు.
‘మామా మశ్చీంద్ర’ టీజర్ అనౌన్స్‌మెంట్ వీడియో:
హీరో సుధీర్ బాబు (Sudheer Babu), డైరెక్టర్ హర్షవర్ధన్ టీజర్ అనౌన్స్‌మెంట్ వీడియోను లాంచ్ చేశారు. మామా మశ్చీంద్ర టీజర్ ను ఏప్రిల్ 14వ తేదిన రిలీజ్ చేయనున్నట్లు సుధీర్ బాబు తెలిపారు. అయితే ఏ టైంలో రిలీజ్ చేస్తారనేది మాత్రం క్లారిటీ ఇవ్వలేదు. మామా మశ్చీంద్ర (Maama Mascheendra) అనే టైటిల్ ఈ సినిమాకు ఎందుకు పెట్టినట్లు? అనే ట్వీట్ తో సుధీర్ బాబు వీడియోను షేర్ చేశారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
చదవండి: RRR : ‘ఆర్ఆర్ఆర్‌’కు ఆస్కార్ వస్తే పట్టించుకోని సినీ స్టార్లు!?
మామా మశ్చీంద్ర (Maama Mascheendra) సినిమాలో ఈషా రెబ్బా, మృణాళిని రవి హీరోయిన్లుగా నటిస్తున్నారు. మూవీలో హర్షవర్ధన్, అలీ రెజా, రాజీవ్ కనకాల, హరితేజ, అజయ్, మిర్చి కిరణ్ వంటివారు కీలక పాత్రల్లో కనిపించనున్నారు. తెలుగు, హిందీలో ఈ సినిమా విడుదల కానుంది. ఈ సినిమాకు చేతన్ భరద్వాజ్ మ్యూజిక్ అందిస్తున్నారు. సుధీర్ బాబు (Sudheer Babu) ఈ మూవీలో బొద్దుగా, స్టైలిష్‌గా, ఏజ్ బార్ గా కనిపించనున్నారు.
