'Keedaa Cola' trailer released
పెళ్లి చూపులు, ఈ న‌గ‌రానికి ఏమైంది సినిమాలతో డైరెక్టర్‌గా మంచి క్రేజ్‌ సొంతం చేసుకున్నాడు తరుణ్ భాస్కర్ దాస్యం. కేవలం డైరెక్టర్ గానే కాదు.. అప్పుడప్పుడు నటుడిగా కూడా కొన్ని సినిమాల్లో మెరిశాడు తరుణ్. ఇక ఇప్పుడు తన స్వీయదర్శకత్వంలో నటిస్తున్న చిత్రం కీడా కోలా(Keedaa Cola). క్రైమ్‌ కామెడీ జానర్‌లో తెరకెక్కిన ఈ సినిమాలో బ్రహ్మానందం, రఘురామ్, రాగ్ మయూర్, చైతన్య రావు, రవీంద్ర విజయ్‌ ప్రధాన పాత్రలు పోషిస్తున్నారు. ఈ సినిమాను తరుణ్ భాస్కర్ స్నేహితులు కె.వివేక్‌ సుధాంషు, సాయికృష్ణ గద్వాల్, శ్రీనివాస్‌ కౌశిక్, శ్రీసాద్‌ నందిరాజ్, ఉపేంద్ర వర్మ నిర్మించారు.
తాజాగా ఈ మూవీ ట్రైలర్‌ను రిలీజ్ చేశారు. ఆర్థికంగా ఇబ్బందుల్లో ఉన్న ఇద్దరు ఫ్రెండ్స్‌కి కూల్ డ్రింక్‌లో బొద్దింక కనిపించడం.. దానితో కోట్లు సంపాదించాలనే అంశం చుట్టూ కీడా కోలా కథ తిరుగున్నట్టుగా ట్రైలర్ కట్ చేశారు. 8 పాత్రల చుట్టూ తిరిగే ఈ కథలో బాస్ నాయుడు అనే కీలకపాత్రలో తరుణ్ భాస్కర్ కనిపించాడు. ఈ ట్రైలర్ చాలా ఆసక్తికరంగా ఉండడంతో.. సినిమా పై అంచనాలు పెరిగిపోయాయి. నవంబర్ 3న కీడా కోలా మూవీ రిలీజ్ చేయనున్నారు. ఇదిలా ఉంటే.. చాలా రోజులుగా వెంకటేష్‌తో తరుణ్ భాస్కర్ ఓ సినిమా చేయబోతున్నాడనే న్యూస్ వినిపిస్తునే ఉంది. దీనిపై తరుణ్ భాస్కర్ స్పందిస్తూ.. వెంకీ కోసం ఇంట్రెస్టింగ్ కథ రాశాను.. కానీ ఇంకా క్లైమాక్స్ రెడీ చేయలేదు.. సెకండాఫ్‌పై పనిచేయాల్సి ఉంది. ఇప్పుడు దానిపైనే ఫోకస్‌ పెట్టానంటూ చెప్పుకొచ్చాడు. దీంతో వెంకీ, తరుణ్ భాస్కర్(tarun bhaskar) ప్రాజెక్ట్ ఉంటుందని క్లారిటీ ఇచ్చేశాడు.
ఇది కూడా చూడండి: War 2: షూటింగ్ షురూ.. ఎన్టీఆర్ జాయిన్ అయ్యేది అప్పుడే?
