Kanguva: యానిమాల్ సినిమా లాస్ట్‌లో ఎంట్రీ ఇచ్చాడు కానీ.. అబ్రార్ క్యారెక్టర్‌ను సినిమా చూసిన వారు అంత ఈజీగా మరిచిపోలేం. అబ్రార్‌గా నెక్స్ట్ లెవల్ అనేలా క్రేజ్ సొంతం చేసుకున్నాడు బాబీ డియోల్. ముఖ్యంగా సినిమాలో ఒక్క మాట కూడా మాట్లాకుండా.. అందరి చేత ‘జమాల్ కుడు’ సాంగ్‌ను పాడించాడు. హీరో రణ్‌బీర్ కపూర్‌కు ధీటుగా విలన్‌గా అదరగొట్టాడు బాబీ డియోల్. సందీప్ రెడ్డి వంగ డైరెక్ట్ చేసిన అనిమల్ సినిమాలో అబ్రార్ పాత్రలో నటించి మెప్పించాడు. అనిమల్ సినిమాలో పాన్ ఇండియా విలన్‌గా గుర్తింపు తెచ్చుకున్న బాబీ డియోల్.. ఇప్పుడు మరో భారీ పాన్ ఇండియా ప్రాజెక్ట్‌లో విలన్‌గా నటిస్తున్నాడు.
ఇది కూడా చూడండి: Prabhas: శ్రీలీలకు ప్రభాస్ ఫ్యాన్స్ షాక్!
కోలీవుడ్ స్టార్ హీరో సూర్య నటిస్తున్న బిగ్గెస్ట్ ప్రాజెక్ట్ ‘కంగువ’లో విలన్‌గా నటిస్తున్నాడు బాబీ డియోల్. ఈ సినిమాలో ‘ఉధిరన్’ అనే పాత్రలో కనిపించనున్నాడు. ఇప్పటికే సూర్య కంగువ లుక్ రిలీజ్ చేయగా సాలిడ్ రెస్పాన్స్ వచ్చింది. లేటెస్ట్‌గా బాబీ డియోల్ బర్త్ డే సందర్భంగా ఉధిరన్ పాత్రకు సంబంధించిన ఫస్ట్ లుక్ పోస్టర్ రిలీజ్ చేశారు. ఇక ఈ పోస్టర్ చూసిన తర్వాత అబ్రార్‌కు అబ్బలా ఉన్నాడు బాబీడియోల్.
ఇది కూడా చూడండి: Horoscope Today: నేటి రాశిఫలాలు(2024 January 28th).. విదేశీ ప్రయత్నాలు లాభిస్తాయి
భయంకరమైన లుక్‌లో డిఫరెంట్ గెటప్‌లో ఓ కన్ను పోగొట్టుకొని వెరీ డేంజరస్‌గా కనిపిస్తున్నాడు. దీంతో ప్రస్తుతం ఈ పోస్టర్ సోషల్ మీడియాలో వైరల్‌గా మారింది. సూర్య కెరీర్లోనే భారీ బడ్జెట్‌తో ఏకంగా పది భాషల్లో తెరకెక్కుతున్న ఈ సినిమాకు శివ డైరెక్షన్ చేస్తున్నాడు. దిశా పటానీ హీరోయిన్‌గా నటిస్తోంది. మరి కంగువ ఎలా ఉంటుందో చూడాలి
