సూర్య, రజనీకాంత్ ఇద్దరూ భారీ బడ్జెట్ సినిమాలు చేసే స్టార్లు.. వీళిద్దరి మధ్య అక్టోబర్ 10, 2024న విడుదలయ్యే చిత్రం ‘కంగువ’, ‘వేటయన్’ మధ్య పోటీ సినిమా పరిశ్రమలో భారీ అలజడి సృష్టిస్తోంది. ఈ రెండు సినిమాలు బాక్స్ ఆఫీస్ వద్ద గట్టి పోటీకు సిద్ధమయ్యాయి, ఈ వార్త అటు అభిమానుల్లో, బిజినెస్ చేసిన డిస్ట్రిబ్యూటర్ల గుండెల్లో రైల్ల్లు పరిగెట్టిస్తోంది. వేటయన్ సినిమా ‘రెడ్ జయంట్’ సంస్థ ద్వారా విడుదలవ్వడంతో, ఈ చిత్రానికి తమిళనాడులో భారీ ప్రమోషన్లు, మాసివ్ డిస్ట్రిబ్యూషన్ వ్యూహాలు ఉంటాయి. ఈ నేపథ్యంలో రజని కాంత్ సినిమాకు తమిళ రాష్ట్రంలో భారీ మార్కెట్ మరియు డిమాండ్ ఉంటుందని చెప్పవచ్చు. వేటయన్’ విడుదలతో, ‘కంగువ’కు గట్టి పోటీ ఎదురవుతుంది, ఇది ‘కంగువ’ కు పెద్ద సవాలు.
Read Also: Prabhas Kalki 2898 AD: OTT స్ట్రీమింగ్ డేట్ ఫిక్స్
అదే సమయంలో, ‘కంగువ’కు భారీ బజ్ మరియు ప్రేక్షకుల మధ్య విపరీతమైన అంచనాలు ఉన్నాయి. ఈ చిత్రానికి సంబంధించిన ప్రచారం, ట్రైలర్, పాటలు మరియు ఇతర ప్రమోషన్లతో, ప్రేక్షకుల్లో భారీ ఆసక్తి సృష్టించడమే కాకుండా బిజినెస్ కూడా సిరియా గత సినిమాలతో పోలిస్తే భారీ స్థాయిలో జరుగుతుంది. ఈ రెండు పెద్ద సినిమాలు ఒకే రోజున విడుదలవుతున్న కారణంగా, వాటి మధ్య తీవ్ర పోటీ ఉండడం అనివార్యం. ఈ పరిస్థితులు బాక్సాఫీస్ వద్ద రెండు చిత్రాలకు కూడా నష్టాన్ని కలిగించే అవకాశం ఉంది. ప్రేక్షకుల అభిరుచి, విడుదల అయ్యాక వచ్చే టాక్ బట్టి ఈ రెండు సినిమాలు తమ విజయం సాధించడంలో అనేక కఠినతలను ఎదుర్కోవలసి ఉంటుందని అంచనా వేయవచ్చు.
Read Also: Stree 2 Boxoffice: చిన్న సినిమా… బాలీవుడ్ బాక్సాఫీస్ సునామి
ఇలా, ‘కంగువ’ మరియు ‘వేటయ్యన్’ మధ్య సానుకూల మరియు ప్రతికూల ప్రభావాలతో, బాక్సాఫీస్ వద్ద అత్యంత ప్రతిష్టాత్మక పోటీ నెలకొంటుంది. ఇలా ఒకేరోజు రెండు పెద్ద సినిమాలు విడుదల అయితే ఏ సినిమాకు పూర్తిగా ఆ రేంజ్ కి తగ్గ వసూళ్లు రాకపోగా, బయ్యర్లకు తీవ్ర నష్టం వాటిల్లుతుంది. గతంలో విజయ్, అజిత్ సినిమాలకు ఇది అనేక సార్లు చూసాం. అయినా మేకర్లు తమ పంథాను మార్చుకోవట్లేదు
