మెహర్ రమేష్ దర్శకత్వంలో మెగాస్టార్ చిరంజీవి (Megastar Chiranjeevi) నటిస్తున్న తాజా చిత్రం ‘భోళాశంకర్’. తమిళ మూవీ ‘వేదాళం’కు రీమేక్‌గా ఈ సినిమాని తెరకెక్కిస్తున్న సంగతి తెలిసిందే. ఈ చిత్రంలో తమన్నా హీరోయిన్‌గా నటిస్తుండగా, ‘మహానటి’ బ్యూటీ కీర్తి సురేష్ (Keerthy Suresh) చిరంజీవికి సోదరిగా కనిపించనుంది. హీరో సుశాంత్ ముఖ్య పాత్రలో కనిపించనున్నారు. రఘుబాబు, మురళీ శర్మ, రావు రమేష్, వెన్నెల కిషోర్, ప్రగతి సహా పలువురు నటీనటులు ఇతర పాత్రలు పోషిస్తున్నారు. ఈ చిత్రం నుంచి తాజాగా జాం జాం జాం జజ్జనక… తెల్లార్లూ ఆడుదాం తయ్యితక్క అంటూ సాగే పాట పూర్తి వీడియో రిలీజ్అయింది.
చదవండి : ఆన్లైన్లో సమోసాలు ఆర్డర్.. రూ1.40 లక్షలు మాయం
ఈ సెలబ్రేషన్ సాంగ్ కు మహతి స్వరసాగర్ బాణీలు అందించగా, కాసర్ల శ్యామ్ సాహిత్యం సమకూర్చారు. అనురాగ్ కులకర్ణి, మంగ్లీ ఈ పాటను ఆలపించారు. ఏకే ఎంటర్టయిన్ మెంట్స్ బ్యానర్ పై రామబ్రహ్మం సుంకర నిర్మిస్తున్న భోళాశంకర్ చిత్రం (Bholashankar’s film) ఆగస్టు 11న ప్రేక్షకుల ముందుకు రానుంది.మెగాస్టార్ మూవీకి సంబంధించి కీలక అప్ డేట్ రావడంతో ఆయన అభిమానులతో పాటు సినీ లవర్స్ సంతోషం వ్యక్తం చేస్తున్నారు. చిరంజీవి ఇప్పటికే ‘గాడ్ ఫాదర్’, ‘వాల్తేరు వీరయ్య’ సినిమాతో మంచి హిట్లు అందుకుని ఫుల్ జోష్ లో ఉన్నారు. ‘భోళాశంకర్’ సినిమాతో హిట్ కొట్టి హ్యాట్రిక్ హిట్స్ అందుకోవాలని భావిస్తున్నారు. కచ్చితంగా ఈ సినిమా కూడా మంచి విజయాన్ని అందుకుంటుందని ఆయన అభిమానులు ఆశాభావం వ్యక్తం చేస్తున్నారు.
చదవండి : Star Link: స్టార్ లింక్ ప్రయోగం… ఉపయోగాల కన్నా నష్టాలే ఎక్కువ
