I did an item song only for NTR.. Kajal Aggarwal
Kajal Aggarwal: తెలుగులో ప్రభాస్, మహేష్‌ బాబు, రామ్ చరణ్, ఎన్టీఆర్ లాంటి స్టార్ హీరోలందరితో కలిసి నటించింది కాజల్ అగర్వాల్. అయితే.. 2020లో ప్రముఖ వ్యాపారవేత్త గౌతమ్ కిచ్లూని పెళ్లి చేసుకుంది. పెళ్లి చేసుకొని కొన్నాళ్లు భర్తతో కలిసి సంసార జీవితాన్ని ఎంజాయ్ చేసిన కాజల్.. 2022లో పండంటి మగబిడ్డకు జన్మనిచ్చింది. దాంతో కొన్నాళ్లు సినిమాలకు దూరం కావాల్సి వచ్చింది. కానీ ఇటీవలె బాలయ్య ‘భగవంత్ కేసరి’ సినిమాతో సెకండ్ ఇన్నింగ్స్ మొదలు పెట్టింది. త్వరలోనే కమల్ హాసన్-శంకర్ కాంబోలో వస్తున్న ‘ఇండియన్ 2’తో ఆడియెన్స్ ముందుకు రాబోతోంది. దీనికంటే ముందే.. తెలుగులో సత్యభామ అనే సినిమాతో మే 17న ప్రేక్షకుల ముందుకు రాబోతోంది. దీంతో ఈ సినిమా ప్రమోషన్స్ చేస్తోంది అమ్మడు.
చదవండి:Vijay Devarakonda: యుద్ధం నాతోనే.. విజయ్ దేవరకొండ సాలిడ్ ప్రాజక్ట్స్ అనౌన్స్!
ఈ నేపథ్యంలో.. కమెడియన్ అలీ హోస్ట్‌గా వ్యవహరిస్తోన్న అలీతో సరదాగా షోకి హాజరైంది. లేటెస్ట్‌గా ఆ ఎపిసోడ్‌కు సంబంధించిన ప్రోమో రిలీజైంది. ఇందులో కాజల్ కొన్నిఆసక్తికర విషయాలు పంచుకుంది. ఎన్టీఆర్ నటించిన ‘జనతా గ్యారేజ్‌’ సినిమాలో ఐటెంసాంగ్ చేయడానికి కారణం ఏంటని? ప్రశ్చించాడు అలీ. పెద్ద బ్యానరా, పెద్ద డైరెక్టరా? అని అడగ్గా.. కాజల్ ఆసక్తికరంగా ఆన్సర్ చేసింది. పెద్ద బ్యానర్‌, పెద్ద డైరెక్టర్‌, మంచి రెమ్యునరేషన్ అని కాదు.. కేవలం ఎన్టీఆర్ కోసమే తాను ఆ స్పెషల్ సాంగ్ చేశానని చెప్పుకొచ్చంది. దీంతో.. టైగర్ ఫ్యాన్స్ ఈ క్లిప్‌ని తెగ వైరల్ చేస్తున్నారు. ఏదేమైనా.. ఎన్టీఆర్‌తో నటించాలనేది ప్రతి ఒక్క హీరోయిన్‌కు డ్రీమ్ లాంటిదే. టెంపర్, బాద్‌షా సినిమాలో టైగర్‌తో రొమాన్స్ చేసిన కాజల్.. జనతా గ్యారేజ్‌లో మాత్రం ఐటెం సాంగ్‌లో చిందేసింది.
చదవండి:Rashmika Mandanna: రష్మికకు బిగ్ ఆఫర్.. ఏకంగా సల్మాన్‌తో!
