HBD Superstar Rajinikanth Thalaivar 170th movie update
నేడు (డిసెంబర్ 12న) సూపర్ స్టార్ రజనీకాంత్(Rajinikanth) 73వ ఏట అడుగుపెట్టారు. దీంతో ఆయనకు సోషల్ మీడియా వేదికగా ప్రముఖులు, సెలబ్రిటీలు పుట్టినరోజు శుభాకాంక్షలు చెబుతున్నారు. దీంతోపాటు అనేక మంది తమ సోషల్ మీడియా పేజీలలో ఫోటోలు పోస్ట్ చేస్తూ ఈ లెజెండ్‌ హీరోకు శుభాకాంక్షలు తెలియజేస్తున్నారు. కాగా ప్రస్తుతం రజనీకాంత్ తన రాబోయే చిత్రం ‘తలైవర్ 170’ షూటింగ్‌లో బిజీగా ఉన్నారు. ప్రతి సంవత్సరం రజనీకాంత్ పుట్టినరోజున అతని దిగ్గజ చిత్రాలను థియేటర్లలో తిరిగి విడుదల చేస్తారు. అదే విధంగా ఈ సంవత్సరం కూడా అతని బ్లాక్ బస్టర్ చిత్రం ‘ముత్తు’ ఇటీవలే రీ రిలీజ్ చేయబడింది. దీంతో తమిళనాడు అంతటా రజనీకాంత్ ఫ్యాన్స్ కోలాహలం చేస్తున్నారు.
Wishing the one & only Thalaivar @Rajinikanth sir, a very Happy Birthday. May your charisma continue to inspire for generations.
— Jr NTR (@tarak9999) December 12, 2023
Celebrating the birthday of the one who defines style, grace & cinematic brilliance – HBD Thalaiva @rajinikanth! 🎂✨ Your journey has been legendary, and your impact on cinema is unparalleled. Wish you another year of blockbuster success and good health.#HBDSuperstarRajinikanth pic.twitter.com/JsXpW9PEO0
— தமிழன்பன் 📖 (@Relaxant_tweets) December 12, 2023
మరోవైపు రజనీకాంత్ పుట్టినరోజు సందర్భంగా ఆయన రాబోయే చిత్రం ‘Thalaivar 170th’ టైటిల్ టీజర్‌ను విడుదల చేయనున్నట్లు నిర్మాణ సంస్థ ప్రకటించింది. ‘జైలర్‌’ సక్సెస్‌ తర్వాత రజనీకాంత్ జ్ఞానవేల్‌ దర్శకత్వంలో ఓ చిత్రంలో నటిస్తున్నారు. ఇందులో హిందీ నటుడు అమితాబ్ బచ్చన్, ఫహద్ ఫాజిల్, రానా, మంజు వారియర్, రితికా సింగ్, తుషార విజయన్ తదితరులు నటించారు. అనిరుధ్ సంగీతం సమకూరుస్తున్న ఈ చిత్రాన్ని లైకా సంస్థ నిర్మిస్తోంది.
మొదటి దశ షూటింగ్ తిరువనంతపురం, తిరునల్వేలిలో జరగ్గా, తదుపరి దశ షూటింగ్ ముంబైలో జరుగుతోంది. ఇందుకోసం రజనీతో పాటు చిత్రబృందం ముంబై వెళ్లారు. అక్కడ రజనీకాంత్, అమితాబ్ బచ్చన్‌లకు సంబంధించిన సన్నివేశాలను చిత్రీకరించారు. షూటింగ్ శరవేగంగా జరుగుతోంది. ఈ నేపథ్యంలో ఈరోజు సాయంత్రం 5 గంటలకు సినిమా టైటిల్‌ను ప్రకటించనున్నట్లు లైకా సంస్థ తెలిపింది. అలాగే బర్త్ డే టీజర్(teaser) వీడియోను కూడా విడుదల చేయనున్నట్లు పేర్కొన్నారు. దీంతో రజనీ అభిమానులు ఉత్కంఠగా ఉన్నారు.
ఇది కూడా చూడండి: Actress Mahalakshmi: బరువు తగ్గని రవీందర్..నటి మహాలక్ష్మి సంచలన నిర్ణయం
