'Family Star' first single is coming!
Family Star: ఐరనే వంచాలా ఏంటీ? అనే డైలాగ్‌తో సోషల్ మీడియాను షేక్ చేశాడు విజయ్ దేవరకొండ. ఇప్పటికే ఫ్యామిలీ స్టార్‌గా గ్లింప్స్‌తో రచ్చ చేశాడు రౌడీ హీరో. తనకు గీతా గోవిందం వంటి బ్లాక్ బస్టర్ ఇచ్చిన డైరెక్టర్ పరశురామ్‌తో కలిసి విజయ్ చేస్తున్న సినిమా ఇది. అందుకే.. ఫ్యామిలీ స్టార్ పై అంచనాలు బాగానే ఉన్నాయి. టైటిలే ఫ్యామిలీ స్టార్ కాబట్టి.. సంక్రాంతికి ఫ్యామిలీ ఆడియెన్స్‌ను టార్గెట్ చేశాడు విజయ్ దేవరకొండ. ప్రముఖ నిర్మాత దిల్ రాజు నిర్మిస్తున్న ఈ సినిమాను ఎట్టి పరిస్థితుల్లోను సంక్రాంతికి రిలీజ్ చేసేలా ప్లాన్ చేస్తున్నారు. సంక్రాంతి రేసులో మహేష్‌ బాబు, రవితేజ లాంటి స్టార్ హీరోలున్నప్పటికీ.. రౌడీ తగ్గే ఛాన్సే లేదని అంటున్నారు. పైగా ప్రొడ్యూసర్ దిల్ రాజు కాబట్టి.. సంక్రాంతి వార్ మరింత ఇంట్రెస్టింగ్‌గా మారనుంది.
చదవండి: Prabhas: 21 ఏళ్లు పూర్తి చేసుకున్న డార్లింగ్!
ఖుషి సినిమాతో ఫామ్‌లోకి వచ్చాడు విజయ్ దేవరకొండ. ఇదే జోష్‌లో ఫ్యామిలీ స్టార్‌గా రాబోతున్నాడు. ఈ సినిమాలో విజయ్‌కు జోడిగా మృణాల్ ఠాకూర్ హీరోయిన్‌గా నటిస్తోంది. గోపీ సుందర్ సంగీతం అందిస్తున్నాడు. తాజాగా ఈ మూవీ నుండి ఫస్ట్ సింగిల్ రిలీజ్ చేసేందుకు ప్లాన్ చేస్తున్నారు. దీపావళికి ఈ ఫస్ట్ సింగిల్ అప్డేట్ బయటికి రానుందని తెలుస్తోంది. ప్రస్తుతం ఈ సినిమా షూటింగ్ శరవేగంగా జరుగుతోంది. ఖుషి సక్సెస్‌తో మంచి జోష్ మీదున్న తమ అభిమాన హీరో, తప్పకుండా ఫ్యామిలీ స్టార్‌తో మరొక విజయం అందుకోవడం ఖాయం అంటున్నారు రౌడీ ఫ్యాన్స్. మరి ఫ్యామిలీ స్టార్ ఏం చేస్తాడో చూడాలి.
