ప్రస్తుతం పాన్ ఇండియా సినిమాల హవా నడుస్తోంది. ఇండియాలో మొత్తం ఐదు భాషల్లో సినిమాలను రిలీజ్ చేస్తున్నారు. తెలుగు, తమిళ్, మళయళి, కన్నడ, హిందీ భాషల్లో సినిమాలను విడుదల చేస్తున్నారు. అలాగే ఓటిటి వచ్చాక వెబ్ సిరీస్‌లు కూడా అన్ని భాషల్లో వస్తున్నాయి. ప్రజెంట్ స్టార్ హీరోలు కూడా ఓటిటి బాట పడుతున్నారు. అయితే ఎన్ని భాషల్లో రిలీజ్ అయితే అన్ని భాషల్లో హీరోలు తమ సొంత డబ్బింగ్ చెప్పాలంటే కష్టమే. చాలామంది హీరోలు మాతృ భాషలో డబ్బింగ్ చెప్పి చేతులు దులిపేసుకుంటారు.
చదవండి: Chiranjeevi: చిరు నెక్స్ట్ రెండు ప్రాజెక్ట్స్ ఫిక్స్!
కానీ యంగ్ హీరో దుల్కర్ సల్మాన్ మాత్రం అలా కాదు. అన్ని భాషల్లోను డబ్బింగ్ చెబుతున్నాడు. తెలుగులో మహానటి తర్వాత సీతారామం సినిమాతో మంచి గుర్తింపు తెచ్చుకున్నాడు దుల్కర్. త్వరలోనే కింగ్ ఆఫ్ కోతా అనే సినిమాతో ఆడియెన్స్ ముందుకు రాబోతున్నాడు. అలాగే ఓ వెబ్ సిరీస్ కూడా చేస్తున్నాడు. ది ఫ్యామిలీ మ్యాన్, ఫర్జీ వంటి వెబ్ సీరిస్‌లు తీసిన రాజ్ అండ్ డికె దర్శకత్వంలో ‘గన్స్ అండ్ గులాబ్స్’ అనే వెబ్ సిరీస్ తెరకెక్కిస్తున్నారు.
చదవండి: Mahesh babu: హ్యాపీ బర్త్ డే మహేష్ బాబు..తన ఆస్తులు ఏంతంటే!
70 దశకంలో జరిగిన సంఘటనల ఆధారంగా నలుగురు కుర్రాళ్ళ మధ్య క్రైమ్ కామెడీ డ్రామాగా దీన్ని రూపొందించారు. త్వరలోనే నెట్ ఫ్లిక్స్‌లో ఈ సిరీస్ స్ట్రీమింగ్ కాబోతోంది. ఈ సిరీస్‌కు మళయాళి, తెలుగుతో పాటు మిగతా అన్నీ భాషల్లోనే తనే సొంతంగా డబ్బింగ్ చెప్పాడట దుల్కర్ సల్మాన్. దీంతో తండ్రికి తగ్గ తనయుడు అనిపించుకుంటున్నాడు దుల్కర్. ఆయన తండ్రి మమ్ముట్టి దళపతి, స్వాతి కిరణం, సూర్య పుత్రులు, యాత్ర సినిమాలకు తెలుగు నేర్చుకుని మరీ డబ్బింగ్ చెప్పారు. ఇప్పుడు కొడుకు కూడా ఇదే బాటలో నడుస్తున్నాడని చెప్పాలి.
