Double Ismart: Double Ismart.. has started again in Mumbai!
Double Ismart: ఉస్తాద్ హీరో రామ్ పోతినేని, డేరింగ్ అండ్ డాషింగ్ డైరెక్టర్ పూరీజగన్నాధ్ కాంబినేషన్లో వచ్చిన ఇస్మార్ట్ శంకర్ బ్లాక్ బస్టర్‌గా నిలిచిన సంగతి తెలిసిందే. వరుస ఫ్లాపుల్లో ఉన్న రామ్ ,పూరి జగన్నాధ్‌కు ఇస్మార్ట్ శంకర్ సినిమా బిగ్గెస్ట్ హిట్ అందించింది. దీంతో ప్రస్తుతం ఈ సినిమాకు సీక్వెల్‌గా డబుల్ ఇస్మార్ట్ తెరకెక్కిస్తున్నాడు పూరి. ఈ సినిమా కోసం అభిమానులు ఎంతో ఆసక్తిగా ఎదురు చూస్తున్నారు. కానీ ఈ సినిమా నుంచి అప్డేట్ వచ్చి చాలా రోజులే అవుతోంది.
ఇది కూడా చూడండి: KGF Yash: యష్ మరో సీక్వెల్?
స్టార్టింగ్‌లో జెట్ స్పీడ్‌లో షూటింగ్ జరుపుకున్న ఈ సినిమా.. ఆర్థిక ఇబ్బందుల వల్ల ఆగిపోయిందనే వార్తలు వచ్చాయి. దీంతో.. రామ్ రెమ్యూనరేషన్‌కు బదులుగా లాభాల్లో వాటా తీసుకునేలా ఈ సినిమా చేస్తున్నట్టుగా టాక్ ఉంది. ఫైనల్‌గా ఈ సినిమా లేటెస్ట్ షెడ్యూల్ స్టార్ట్ అయింది. ముంబైలో కొత్త షెడ్యూల్ మొదలుపెట్టినట్టు ఈ సినిమా నిర్మాత ఛార్మి ప్రకటించింది. మరో భారీ షెడ్యూల్ కోసం అంతా సిద్ధం చేయబడింది.. ముంబైలో ఈ సినిమాకు సంబంధించిన కొన్ని కీలక సన్నివేశాలను చిత్రీకరించనున్నట్టుగా తెలిపింది.
ఇది కూడా చూడండి: Trisha: ‘విశ్వంభర’ నుంచి కొత్త పోస్టర్.. త్రిష షాకింగ్ పారితోషికం?
ఈ షెడ్యూల్‌లో క్లైమాక్స్ తెరకెక్కిస్తున్నట్లు సమాచారం. దీంతో రామ్ ఫ్యాన్స్ ఖుషీ అవుతున్నారు. వాస్తవానికైతే.. డబుల్ ఇస్మార్ట్ మూవీ మార్చి 8న గ్రాండ్‌గా రిలీజ్ కావాల్సి ఉంది. కానీ షూటింగ్ డిలే అవడంతో.. వాయిదా పడింది. ఇక ఇప్పుడు వీలైనంత త్వరగా షూటింగ్ కంప్లీట్ చేసి రిలీజ్ చేయడానికి రెడీ అవుతున్నాడు పూరి. ఈ సినిమా రిజల్ట్ పూరితో పాటు రామ్‌కు కీలకంగా మారింది. మరి డబుల్ ఇస్మార్ట్ ఎలా ఉంటుందో చూడాలి.
