ప్రస్తుతం దేవర, ఎన్టీఆర్ ట్యాగ్స్ సోషల్ మీడియాలో ట్రెండ్ అవుతున్నాయి. దేవర సినిమా షూటింగ్‌కు బ్రేక్ ఇచ్చి ఫ్యామిలీతో కలిసి న్యూ ఇయర్ వెకేషన్‌కు ఫారిన్ వెళ్లిపోయాడు ఎన్టీఆర్. అందుకు సంబంధించిన ఎయిర్ పోర్ట్ ఫోటోలు, వీడియోలు సోషల్ మీడియాలో వైరల్ అవుతున్నాయి. అలాగే దేవర గ్లింప్స్ రిలీజ్ డేట్ కూడా లాక్ అయినట్టుగా ట్రెండ్ అవుతోంది. ఇటీవలె డెవిల్ ట్రైలర్ లాంచ్ ఈవెంట్‌లో దేవర గ్లింప్స్ రెడీ అవుతోందని.. చెప్పుకొచ్చాడు కళ్యాణ్ రామ్. దీంతో దేవర గ్లింప్స్ ఎప్పుడు రిలీజ్ అవుతుందా? అని ఈగర్‌గా వెయిట్ చేస్తున్నారు యంగ్ టైగర్ ఫ్యాన్స్. ఖచ్చితంగా న్యూ ఇయర్ లేదా సంక్రాంతికి దేవర సాలిడ్ ట్రీట్ ఉంటుందని అనుకున్నారు. ఈ రెండు కాకుండా.. లేటెస్ట్‌గా దేవర గ్లింప్స్ డేట్ లాక్ అయినట్టుగా తెలుస్తోంది.
చదవండి: Guntur Karam: ‘గుంటూరు కారం’ కొత్త లుక్ వైరల్.. వెకేషన్‌కు మహేష్ సిద్ధం!
జనవరి మొదటి వారంలో విడుదల చేసేందుకు మేకర్స్ ప్రయత్నాలు చేస్తున్నట్లు సమాచారం. ఇండస్ట్రీ వర్గాల ప్రకారం.. జనవరి 8న దేవర గ్లింప్స్ రిలీజ్ చేస్తారని టాక్ నడుస్తోంది. దీని పై ఇంకా ఎలాంటి అధికారిక ప్రకటన రాలేదు.. కానీ దాదాపుగా ఆ రోజు దేవర నుంచి పవర్ ఫుల్ గ్లింప్స్ బయటికి రావడం పక్కా అంటున్నారు. ఒకవేళ అప్పటికి కుదరదంటే.. జనవరి రెండో వారంలో సంక్రాంతి రిలీజ్ అయ్యే సినిమాలన్నింటికీ దేవర గ్లింప్స్‌ని అటాచ్ చేసి రిలీజ్ చేయాలని భావిస్తున్నారట. ప్రస్తుతం కొరటాల శివ టీజర్ కట్ పనులతో బిజీగా ఉన్నట్లు వార్తలు వినిపిస్తున్నాయి. భారీ గ్రాఫిక్స్, వీఎఫ్ఎక్స్ షాట్స్‌తో గ్లింప్స్ రెడీ చేస్తున్నాడట కొరటాల.
చదవండి: Salaar 2: ‘సలార్ 2’ అద్భుతంగా ఉంటుంది.. ప్రభాస్
రెండు భాగాలుగా రానున్న దేవర మొదటి భాగం ఏప్రిల్ 5న భారీ ఎత్తున రిలీజ్ చేసేందుకు సన్నాహాలు చేస్తున్నారు. ఇప్పటికే దేవర పార్ట్ 1 షూటింగ్ సగానికి పైగా పూర్తయింది. యువ సుధా ఆర్ట్స్, ఎన్టీఆర్ ఆర్ట్స్ బ్యానర్లపై మిక్కిలినేని సుధాకర్, కళ్యాణ్ రామ్ సంయుక్తంగా నిర్మిస్తున్న ఈ చిత్రానికి.. అనిరుద్ సంగీతం అందిస్తున్నాడు. మరి దేవర గ్లింప్స్ రిలీజ్ ఎప్పుడుంటుందో చూడాలి.
