న్యాచురల్ స్టార్ నానిని.. ఇప్పటి వరకు క్లాస్ హీరోగా, పక్కింటి కుర్రాడి పాత్రల్లోనే ఎక్కువగా చూశాం. మధ్యలో మాస్ టచ్ ఇచ్చినా పెద్దగా వర్కౌట్ కాలేదు. కానీ దసరా సినిమాలో నాని రా అండ్ రస్టిక్ లుక్‌తో షాక్ ఇచ్చాడు. మొహానికి మసి పూసుకొని.. ఊరమాస్ అవతారం ఎత్తాడు. మొదట్లో నానికి ఈ గెటప్‌ వర్కౌట్ అవుతుందా అనే డౌట్స్ వచ్చాయి. పైగా కొత్త దర్శకుడు ఈ సినిమాను ఎలా హ్యాండిల్ చేశాడనే సందేహం అందిరలోను ఉంది. నాని ఇమేజ్‌తో సంబంధం లేకుండా కొత్తగా ట్రై చేస్తున్నాడు.. నాని కెరీర్లోనే హైయెస్ట్ బడ్జెట్‌తో తెరకెక్కింది.. ఫస్ట్ పాన్ ఇండియా ఫిల్మ్ కూడా ఇదే.. అందుకే నాని కెరీర్లోనే ఈ సినిమా ఎంతో కీలకంగా మారింది. కానీ మార్చి 30న అసలు సిసలైన మాస్ బొమ్మ చూపించేశాడు నాని. తనలో ఊర మాస్ యాంగిల్ ఉందని దసరాతో నిరూపించాడు. ప్రతి ఒక్క హీరో చాలెంజిగ్ రోల్స్ చేయాలని.. తహతహలాడుతుంటారు. అందుకే దసరా సినిమాతో తన మాస్ దాహం తీర్చేసుకున్నాడు నాని. పేరుకు తగ్గట్టే న్యాచురల్ స్టార్ అని మరోసారి ప్రూవ్ చేశాడు. ధరణి పాత్రలో నాని నట విశ్వరూపం చూపించేశాడు. న్యాచురల్ స్టార్ ఇరగదీశాడంటూ సోషల్ మీడియా హోరెత్తిపోతోంది. సినిమా హిట్టైనా, ఫట్టైనా.. దసరా మాత్రం నాని కెరీర్ బెస్ట్‌గా నిలిచిపోతుండనడంలో.. ఎలాంటి సందేహాలు అక్కర్లేదు. అందుకే ఈ సినిమాను తన భుజాన వేసుకుని ప్రమోట్ చేశాడు నాని. ఈ సినిమాతో శ్రీకాంత్ ఓదెల అనే మరో కొత్త టాలెంట్ ఇండస్ట్రీకి డైరెక్టర్‌గా పరిచయం అయ్యాడు. వెన్నెలగా కీర్తి సురేష్ నటించింది. మొత్తంగా దసరా ‘రా’ ఎమోషనల్ మూవీ అనే టాక్ నడుస్తోంది. మరి బాక్సాఫీస్ దగ్గర దసరా ఎలాంటి మ్యాజిక్ చేస్తుందో చూడాలి.
