ఉప్పెన వంటి హిట్‌తో టాలీవుడ్‌లో హాట్ కేక్‌లా మారిపోయింది కృతిశెట్టి. ఒకే ఒక్క హిట్ అమ్మడికి ఏకంగా నాలుగైదు ఆఫర్స్‌ తీసుకొచ్చింది. అయితే శ్యామ్ సింగరాయ్, బంగర్రాజు వంటి సినిమాలతో హిట్స్ అందుకున్న ఈ ముద్దుగుమ్మ.. ఆ తర్వాత చేసిన రెండు సినిమాలు ఫ్లాప్ అందించాయి. లింగుసామి డైరెక్షన్లో రామ్‌తో కలిసి నటించిన ‘ది వారియర్‌’.. తెలుగు, తమిళంలో ఒకేసారి రిలీజైంది. ఇందులో విజిల్ మహాలక్ష్మీగా.. బుల్లెట్‌ బేబిగా దుమ్ముదులిపినప్పటికీ.. అటు తమిళ్, ఇటు తెలుగులోను కృతి కెరీర్‌ను మరింత వెనక్కి నెట్టింది. ఇక ఆ తర్వాత వచ్చిన నితిన్ ‘మాచర్ల నియోజకవర్గం’ కూడా నిరాశనే మిగిల్చింది. దాంతో దూసుకుపోతుందనుకున్న కృతి స్పీడ్‌కు బ్రేక్ పడడంతో.. అమ్మడి కెరీర్ కాస్త డైలమాలో పడిపోయింది.
ఈ క్రమంలో స్టార్ హీరోల సరసన ఆఫర్ వస్తుందనుకున్న సమయంలో.. బేబమ్మ ఆశలు ఆవిరిపోయాయనే చెప్పొచ్చు. ఇక లాభం లేదనుకొని వచ్చిన ప్రతి ఆఫర్‌ను ఒప్పుకోవడం కంటే.. కంటెంట్ ఉండి, కాస్త తన క్యారెరక్టర్‌కు ఇంపార్టెన్స్ ఉంటేనే అప్ కమింగ్ ప్రాజెక్ట్స్ ఒప్పుకోవాలని ఫిక్స్ అయింది. ప్రస్తుతం కృతి చేతిలో సుధీర్‌బాబుతో నటిస్తున్న ‘ఆ అమ్మాయి గురించి మీకు చెప్పాలి’.. నాగచైతన్య, వెంకట్‌ప్రభు సినిమాతో పాటు.. బాలా-సూర్య కాంబోలో వస్తున్న ‘అచలుడు’ మాత్రమే ఉన్నాయి. ఇవి కూడా ఫ్లాప్స్‌కు ముందు ఒప్పుకున్న ప్రాజెక్ట్సే. కానీ ఈ మధ్య మరో మూవీకి గ్రీన్‌ సిగ్నల్‌ ఇవ్వలేదు కృతి. దాంతో త్వరలో రిలీజ్‌ అవుతున్న ‘ఆ అమ్మాయి గురించి మీకు చెప్పాలి’ సినిమాపైనే కృతి ఆశలు పెట్టుకుంది. ఏదేమైనా కృతి కెరీర్ కాస్త డైలమాలో పడిపోయిందనే చెప్పాలి.
