అమెరికా (America) దేశాధ్యక్ష ఎన్నికల్లో రిపబ్లికన్ పార్టీ తరపున భారత్‌కు చెందిన వివేక్ రామస్వామి అధ్యక్ష పదవి రేసులో నిలిచేందుకు పోటీ పడుతున్న సంగతి తెలిసిందే. ఆపార్టీ అభ్యర్థిత్వం కోసం ఆయన ప్రచారం ముమ్మరం చేశారు. ఇందులో భాగంగానే వరుసగా మీడియా ఇంటర్వ్యూలు, చర్చా వేదికల్లో పాల్గొంటున్నారు. అమెరికాకు ప్రధాన అడ్డంకిగా మారిన చైనా(China)ను ఎదుర్కొనే సమయంలో రష్యా చాలా కీలకమైందని ఆయన అభిప్రాయపడ్డారు. మాస్కోను ఎట్టి పరిస్థితుల్లో బీజింగ్‌ (Beijing) పక్షాన చేరనీయకూడదన్నారు.
చదవండి : Kondeti chittibabu: ఎమ్మెల్యేకు అస్వస్థత..ICUలో ట్రిట్ మెంట్
తాను ఎన్నికల్లో గెలిచి శ్వేత సౌధంలో అడుగుపెడితే ఈ లక్ష్యాన్ని సాధించేందుకు రష్యాకు మంచి డీల్‌ను ఆఫర్‌ చేస్తానని ప్రకటించారు.అదేవిధంగా నాటో కూటమిలోకి ఉక్రెయిన్‌(Ukraine)ను అనుమతించబోనని స్పష్టం చేశారు. ఈ సందర్భంగా రష్యాపై విధించిన ఆంక్షలు ఎత్తేస్తానంటూ ప్రకటించారు. అయితే, ఇవన్నీ జరగాలంటే రష్యా.. చైనాతో సైనిక కూటమి నుంచి వైదొలగాల్సి ఉంటుందని రామస్వామి ఓ కండిషన్‌ పెట్టారు.‘నేను రష్యా (Russia)-ఉక్రెయిన్‌ మధ్య ప్రస్తుత నియంత్రన మార్గాలను స్తంభింపజేస్తాను.
చదవండి : Sarpanch navya: స్టేషన్ ఘనపూర్ ఎమ్మెల్యే బరిలో నవ్య?
ఉక్రెయిన్‌ను నాటోలోకి అనుమతించను. ఇందుకు నేను కట్టుబడి ఉంటాను. పుతిన్‌(Putin)తో ఒప్పందం కుదుర్చుకోవడానికి ఇది సరిపోతుంది. కానీ, ప్రతిఫలంగా నాకు ఇంకా గొప్పది కావాలి. రష్యా చైనాతో సైనిక సంబంధాలను విడిచిపెట్టాలి. అలాచేస్తే రష్యాతో పాశ్చాత్య ఆర్థిక సంబంధాలను తిరిగి కొనసాగిస్తాం’ అని రామస్వామి తెలిపారు. రష్యా-చైనా సైనిక కూటమి నేడు అమెరికా (America) ఎదుర్కొంటున్న ఏకైక అతిపెద్ద ముప్పు అని రామస్వామి అన్నారు.
చదవండి : Congressలోకి తుమ్మల నాగేశ్వరరావు..? ఆహ్వానించిన రేవంత్
