Tragedy in Gaza.. Parachute failed and five died
Gaza: ఇజ్రాయెల్‌, పాలస్తీనా మధ్య వార్ కొనసాగుతుంది. ఈ క్రమంలో పాలస్తీనా చితికిపోతుంది. గాజా (Gaza)లో నివసించే ప్రజల పరిస్థితి దయనీయంగా మారింది. ఆకలి కేకలతో అక్కడి స్థానికులు అల్లాడుతున్నారు. మానవతా సాయం కోసం ఆకాశాన్ని చూసే పరిస్థితి అక్కడి ప్రజలది. వారిని ఆదుకునేందుకు పలు దేశాలు ముందుకొస్తున్నాయి. విమానాల ద్వారా గాజాలో ఆహారాన్ని ఎయిర్‌డ్రాప్(Air Drop) చేస్తున్నారు. సాయం అందించే క్రమంలో గాజాలో విషాదం నెలకొంది. సాయం కోసం పంపిన పారాచూట్‌లు విఫలం అయ్యాయి. తద్వారా 5గురు ప్రాణాలు కోల్పోయారు.
చదవండి:Pakistan: పాకిస్థాన్ చరిత్రలోనే తొలిసారి.. మంత్రిగా సిక్కు నేత
ఉత్తర గాజాలోని శుక్రవారం శరణార్థుల శిబిరం వద్దకు పారాచూట్ (Parachute) ద్వారా ఫుడ్‌ ప్యాకేజీని పంపించారు. పారాచూట్స్ గాల్లో రావడంతో కింద ఆకలితో ప్రజలు వాటిని చూస్తూ నిలుచున్నారు. ఎయిర్ డ్రాప్ అయ్యే క్రమంలో ఒక పారాచూట్ తెరుచుకోలేదు, అది నేరుగా ఆహారం కోసం వేచి చూస్తున్న ప్రజలపై పడింది. దీంతో ఐదుగురు అక్కడికక్కడే మృతి చెందారు. ఈ ఘటనలో సుమారు 10 మందికి పైగా గాయపడ్డారు. వారిని వెంటనే ఆల్ షిఫా ఆస్పత్రికి (Al-Shifa hospital) తరలించినట్టు ఎమర్జెన్సీ రూమ్ హెడ్ నర్సు మహ్మద్ అల్-షేక్ తెలిపారు. ఆకలితో చూస్తున్న ప్రజలు ఆహారం మీద పడి చనిపోవడం తెలిసి నెటిజన్లు ఎమోషనల్ పోస్ట్ పెడుతున్నారు. యుద్ధం ఎలాంటి దయనీయ పరిస్థితులకు తీసుకొస్తుంది అని కామెంట్లు పెడుతున్నారు.
చదవండి:Earthquake : అండమాన్ సముద్రంలో భూకంపం
#BREAKING: Multiple people killed, others injured as aid airdrop package fails to deploy in Gaza.#Gaza | #Israel
Five people were killed and eleven others were injured on Friday morning by an airdrop package, when at least one parachute failed to deploy properly, and a parcel… pic.twitter.com/k6lRZx0gYh
— Archange (@ArchangeInfos) March 9, 2024
