Telugu Boy Sai Varshith : తెలుగు కుర్రాడు కందుల సాయి వర్షిత్‌(20)(Sai Varshith) తన నేరాన్ని ఒప్పుకున్నాడు. కుదిరితే బైడెన్‌ను చంపాలనుకున్నానని అందుకనే ట్రక్కుతో బీభత్సం సృష్టించానని చెప్పుకొచ్చాడు. 2023 మేనెల 22వ తేదీన సాయి వర్షిత్‌ ఒక ట్రక్కును అద్దెకు తీసుకున్నాడు. దానితో వేగంగా వెళ్లి అమెరికా అధ్యక్ష భవనం వైట్‌ హౌస్‌ దగ్గర బీభత్సం సృష్టించాడు.
చదవండి : రెండు వారాల పాటు సినిమా థియేటర్లు బంద్!
దీంతో ఈ సంఘటనలో అమెరికా పోలీసులు అతడిని అరెస్టు చేశారు. కోర్డు విచారణలో భాగంగా అతడిని ప్రశ్నించగా ‘వీలైతే బైడెన్‌ని(Biden) చంపాలనుకున్నా’ అంటూ చెప్పుకొచ్చాడు. వైట్‌ హౌస్‌ భవనంలోకి వెళ్లి అధికారాన్ని కైవసం చేసుకోవడమే లక్ష్యంగా తాను ఈ దాడికి పాల్పడినట్లు తెలిపాడు. నాజీ సర్కారును తీసుకొచ్చేందుకు తాను ఇతరులతోపాటు అవకాశం వస్తే బైడెన్‌నీ చంపాలని అనుకున్నట్లు వెల్లడించాడు.
చదవండి : కాపర్‌ మైన్‌లో కూలిన లిఫ్ట్‌.. చిక్కుకున్న కార్మికులు
దీంతో నిందితుడు ఉద్దేశ పూర్వకంగా ప్రభుత్వ, ప్రజా ఆస్తులకు నష్టం చేకూర్చాడని కోర్టు నిర్ణయానికి వచ్చింది.
ఈ విషయమై అటార్నీ మాట్లాడుతూ అమెరికా అధ్యక్షుడు బైడెన్(Biden) ప్రభుత్వాన్ని దించేసి.. నాజీ ప్రభుత్వాన్ని తీసుకురావాలన్న ఉద్దేశంతో యువకుడు ఇంతటి దారుణానికి ఒడిగట్టాడని తేల్చింది. అతడు నాజీ సిద్ధాంతాలకు బాగా ప్రభావితం అయి ఇలాంటి పని చేశాడని పేర్కొంది.
