Japan Earthquake : జపాన్‌లో సంభవించిన భారీ భూకంపం సంభవించింది. ఉత్తర మధ్య జపాన్‌లో రిక్టర్ స్కేలుపై 7.6 తీవ్రతతో భూకంపం సంభవించింది. దీని తరువాత, వాతావరణ సంస్థ ఇషికావా, నీగాటా, టొయామా ప్రిఫెక్చర్ల తీర ప్రాంతాలలో సునామీ హెచ్చరికను జారీ చేసింది. భూకంపం కారణంగా పలు ప్రాంతాల్లో భారీ నష్టం వాటిల్లుతోంది. దుకాణాలు, వాటిలో ఉంచిన వస్తువులు పడిపోయాయి. పార్కింగ్‌లో నిలిపిన వాహనాలు అక్కడక్కడా కదిలాయి. అదే సమయంలో 36 వేల ఇళ్లకు కరెంటు సరఫరా నిలిచిపోయింది. పలు రైళ్లు అర్థంతరంగా ఆగిపోయాయి. ప్రజల్లో గందరగోళ వాతావరణం నెలకొంది.
చదవండి:Israel Hamas War : ఐడీఎఫ్ దాడుల్లో 24గంటల్లో 150మంది మృతి, 286మందికి గాయాలు
2011 లో జపాన్‌లో భయంకరమైన సునామీ వచ్చింది. ఇది చాలా విధ్వంసానికి కారణమైంది. 13 ఏళ్ల తర్వాత మరోసారి జపాన్‌లో సునామీ ముప్పు పొంచి ఉంది. సముద్రంలో 5 మీటర్ల ఎత్తు వరకు అలలు ఎగసిపడుతున్నాయి. సముద్రం భయంకరమైన రూపం దాల్చుతోంది. అదే సమయంలో భూకంపం రావడంతో విమానాశ్రయంలో గందరగోళం నెలకొంది. ప్రాణాలు కాపాడుకునేందుకు ప్రజలు పరుగులు తీయడం కనిపించింది. విమానాశ్రయంలోని టేబుళ్ల కింద ఉద్యోగులు దాక్కున్నారు. అదే సమయంలో రోడ్లపై కొన్ని అడుగుల లోతులో పగుళ్లు ఏర్పడ్డాయి.
🚨 BREAKING: Footage A major 7.6-magnitude earthquake occurred in #Japan. Footage from the local Shinkansen station in Ishikawa prefecture, extremely powerful shaking! #earthquake
A #tsunami warning has also been issued. #deprem #sismo #地震 pic.twitter.com/4KbAdpkn6p
— Hifzur (@apnasaraimir) January 1, 2024
చదవండి:Surya Namaskar : గుజరాత్‌లో 108ప్రదేశాల్లో సూర్య నమస్కారం.. గిన్నిస్ రికార్డు నమోదు
ప్రభావిత ప్రాంతాల నుంచి ప్రజలను వెంటనే ఖాళీ చేయాలని జపాన్ ప్రధాని ఫుమియో కిషిడా కోరారు. మరోవైపు భూకంపాలు సంభవించే అవకాశం ఉన్నందున ప్రజలు సిద్ధంగా ఉండాలని ప్రభుత్వ ప్రతినిధి హెచ్చరించారు. జపాన్‌లో సంభవించిన భారీ భూకంపం తర్వాత తూర్పు తీరంలోని గాంగ్వాన్ ప్రావిన్స్‌లోని కొన్ని ప్రాంతాల్లో సముద్ర మట్టాలు పెరిగే అవకాశం ఉందని పొరుగున ఉన్న దక్షిణ కొరియా వాతావరణ సంస్థ తెలిపింది. ప్రభుత్వ ప్రతినిధి హయాషి యోషిమాసా అత్యవసర విలేకరుల సమావేశంలో మాట్లాడుతూ, అధికారులు ఇంకా నష్టాన్ని అంచనా వేస్తున్నారని చెప్పారు. జపాన్‌కు చెందిన హోకురికు ఎలక్ట్రిక్ పవర్ కంపెనీ భూకంపం తర్వాత 36,000 ఇళ్లకు పైగా విద్యుత్తును కట్ చేసింది. చాలా భూకంపం వీడియోలు సోషల్ మీడియాలో వైరల్ అయ్యాయి, ఇది చూస్తే ఎవరికైనా గూస్‌బంప్‌ రావడం గ్యారంటీ.
