Earthquake : జపాన్‌లో నిమిషాల వ్యవధిలోనే రెండు సార్లు భూకంపాలు(EARTH QUAKE) సంభవించాయి. సోమవారం ఉదయం ఆరున్నర గంటల సమయంలో నోటో నగరంలో ఇలా భూమి కంపించింది. రిక్టరు స్కేలుపై 5.9 తీవ్రతతో ఒకసారి భూమి కంపించింది. ఆ తర్వాత పది నిమిషాలకే 4.8 తీవ్రతతో మరో సారి భూమి కంపించింది. దీంతో ఆ నగరంలో ఉన్న ప్రజలు భయంతో ఇళ్ల బయటకు పరుగులు తీశారు. అలాగే ఇప్పటి వరకు ఉన్న డాటా ప్రకారం సునామీ వచ్చే అవకాశాలు లేవని స్థానిక అధికారులు వెల్లడించారు.
చదవండి : కరోనా కంటే పెద్ద మహమ్మారి రాబోతుంది… డబ్ల్యూ హెచ్ వో హెచ్చరిక
జపాన్‌లో సంభవించిన(JAPAN) ఈ భూకంపం వల్ల ఎలాంటి ప్రాణ, ఆస్తి నష్టాలు వాటిల్లలేదని అధికారులు తెలిపారు. ఈ ప్రాంతంలో రెండు అణు విద్యుత్ ప్లాంట్లు ఉన్నాయని వాటిపైన సైతం ఈ ఎర్త్‌ క్వేక్(EARTH QUAKE) ఎలాంటి ప్రభావాన్ని చూపించలేదని అన్నారు. నోటో లోని షికా ప్లాంట్‌కు మాత్రం కొద్దిగా నష్టం వాటిల్లిందని వెల్లడించారు. సెక్యూరిటీ ఇన్‌స్పెక్షన్స్‌ దృష్ట్యా ఈ ప్రాంతంలో తిరిగే సూపర్‌ ఎక్స్‌ప్రెస్‌ రైళ్లు, ఇతర రైళ్ల రాకపోకలను తాత్కాలికంగా నిలిపివేసినట్లు తెలిపారు. ట్రాక్‌లను పరిశీలించిన తర్వాత మాత్రమే రైళ్ల రాకపోకలను తిరిగి పునరుద్ధరిస్తామన్నారు. ఈ ఏడాది మొదట్లో జనవరి 1న సైతం ఈ ప్రాంతంలో పెద్ద భూకంపం సంభవించింది. దీంతో 230 మంది చనిపోయారు.
చదవండి : ఆంధ్రలోకి ప్రవేశించిన రుతుపవనాలు.. దంచి కొడుతున్న వానలు
