WHO : ప్రపంచ ఆరోగ్య సంస్థ (డబ్ల్యూహెచ్‌ఓ) మరో పెద్ద మహమ్మారిని ఎదుర్కోవడానికి ప్రపంచం మొత్తం సిద్ధంగా ఉండాలని కోరింది. ఈ మహమ్మారి కోవిడ్-19 అంటే కరోనా కంటే పెద్దది కావచ్చు. బ్రిటీష్ శాస్త్రవేత్త నుండి హెచ్చరిక తర్వాత WHO ఇప్పటికే ఈ వ్యాధిని ఎదుర్కోవటానికి సన్నాహాలు ప్రారంభించింది. బ్రిటన్ ప్రధాన శాస్త్రీయ సలహాదారు పాట్రిక్ వాలన్స్ కోవిడ్ కంటే ప్రమాదకరమైన వ్యాధి గురించి ప్రపంచాన్ని హెచ్చరించాడు. అప్రమత్తంగా ఉండాలని సూచించాడు. ఈ వ్యాధి గురించి మనం ఇప్పుడే అప్రమత్తంగా ఉంటే, అది వచ్చినప్పుడు కోవిడ్ వంటి ఆంక్షలను ఎదుర్కోకుండా ఉండవచ్చని వాలెన్స్ ప్రపంచాన్ని హెచ్చరించాడు.
చదవండి:Venkatesh Iyer: స్నేహితురాలిని పెళ్లాడిన క్రికెటర్ వెంక‌టేశ్ అయ్య‌ర్
WHO కూడా దీనిని చాలా సీరియస్‌గా తీసుకుంది. ఈ మహమ్మారిని ఎదుర్కోవటానికి ఇప్పటి నుండి వ్యూహాన్ని రూపొందించాలని ప్రపంచంలోని సభ్య దేశాలను కోరింది. ఈ ప్రపంచ మహమ్మారిని ఎదుర్కోవడానికి అంతర్జాతీయ సమన్వయం అవసరమని WHO పేర్కొంది. అందుకు అన్ని దేశాలు ఇప్పటి నుంచే ముందుకు వచ్చి తగిన చర్యలు తీసుకోవాల్సి ఉంటుంది. ఈ మహమ్మారి వచ్చే వరకు మనం వేచి ఉండకూడదు. కానీ ఇప్పుడే దాన్ని ఎదుర్కోవడానికి మార్గాలను కనుగొనడం ప్రారంభించాలి.
చదవండి:Pune Car Accident: పూణే పోర్షే కారు కేసు.. నిందితుడి తల్లిదండ్రులకు జూన్ 5వరకు కస్టడీ
వచ్చే వారంలో జరిగే సమావేశంలో అన్ని దేశాలు దీనిపై సీరియస్‌గా ఆలోచించాల్సి ఉంటుందని డబ్ల్యూహెచ్‌ఓ డైరెక్టర్ టెడ్రోస్ అధనామ్ తెలిపారు. అయితే, అంతకుముందు జరిగిన సమావేశాలలో బ్రిటిష్ శాస్త్రవేత్త హెచ్చరికకు సంబంధించి WHO సభ్య దేశాలలో ప్రత్యేక అప్రమత్తత కనిపించలేదు. ఇదిలావుండగా, గత సమావేశాల ఫలితాలను చూసి నిరాశ చెందాల్సిన అవసరం లేదని టెడ్రోస్ అన్నారు. ఈ వ్యాధిని ఎలాగైనా అరికట్టాలి. అందుకు చర్యలు తీసుకోవాలి. ప్రపంచ ఆరోగ్య సభ రాబోయే మహమ్మారిని ఎదుర్కోవటానికి సూచనలు తీసుకోవడం ద్వారా వ్యూహాన్ని రూపొందించాలని పరిశీలిస్తోంది. దీని తరువాత, WHO మొత్తం ప్రపంచానికి హెచ్చరికను జారీ చేయవచ్చు. అయితే, ఈ వ్యాధి ఎలా ఉంటుందో.. ఏ రూపంలో ఉంటుందో ఇంకా బహిర్గతం చేయలేదు.
