Pune Car Accident: పూణె కారు ప్రమాదం కేసులో మైనర్ తల్లిదండ్రులను జూన్ 5 వరకు పోలీసు కస్టడీకి పంపింది పూణే జిల్లా కోర్టు. మైనర్ రక్త నమూనాలను తారుమారు చేశారన్న ఆరోపణలపై ఇద్దరినీ పోలీసు కస్టడీకి పంపారు. దీనిని పోలీసులు దర్యాప్తు చేస్తున్నారు. మైనర్ తల్లి శివాని అగర్వాల్‌ను జూన్ 1న పోలీసులు అరెస్ట్ చేశారు. కాగా తండ్రి విశాల్ అగర్వాల్‌ను ఎరవాడ జైలులో నిర్బంధించారు.
చదవండి:Aravind Kejriwal : నేను దొంగనని ఒప్పుకుందాం, మీ దగ్గర ఆధారాలు లేవి : కేజ్రీవాల్
మే 19న పూణెలో జరిగిన కారు ప్రమాదంలో ఇద్దరు ఇంజనీర్లు ప్రాణాలు కోల్పోయారు. అసలే వేగంగా వస్తున్న ఓ కారు బైక్‌ను ఢీకొట్టింది. ప్రమాదం జరిగిన సమయంలో ఓ మైనర్ కారు నడుపుతుండగా ప్రమాదానికి ముందు అతడు బార్‌లో కూర్చుని మద్యం సేవించి కనిపించాడు. అతను సంఘటన సమయంలో మద్యం తాగి ఉన్నాడని భావిస్తున్నారు. మైనర్ రక్త నమూనాను మైనర్ తల్లి రక్త నమూనాతో భర్తీ చేసినట్లు దర్యాప్తులో తేలింది. ఇందుకోసం మైనర్ తల్లిదండ్రులు సాసూన్ ఆస్పత్రికి చెందిన డాక్టర్ తావ్డేతో కలిసి కుట్ర పన్నారు. ఈ కేసులో తల్లిదండ్రులను ఆదివారం జిల్లా కోర్టులో హాజరుపరిచిన పోలీసులు వారిద్దరినీ రిమాండ్‌కు పంపుతూ ఆదేశాలు జారీ చేశారు. సాక్ష్యాలను ధ్వంసం చేశారనే ఆరోపణలున్నాయి. వారిద్దరిపై ఐపీసీ సెక్షన్ 201 కింద కేసు నమోదు చేశారు.
చదవండి:Sikkim Election Result 2024: సిక్కింలో సిఎం తమంగ్ పార్టీ ఘనవిజయం
డ్రైవర్‌ను బెదిరించినందుకు మైనర్ తాత సురేంద్ర అగర్వాల్‌ను కూడా అరెస్టు చేశారు. లైసెన్స్ లేకుండా కారు నడపడానికి మైనర్‌ను అనుమతించినందుకు బాలుడి తండ్రిపై కూడా పోలీసులు కేసు నమోదు చేశారు. ఈ ప్రమాదంలో రెండవ కేసు సాక్ష్యాలను ధ్వంసం చేయడం, మూడవ కేసు డ్రైవర్‌ను తప్పుగా నిర్బంధించడం, ప్రమాదానికి కారణమయ్యేలా అతనిని బలవంతం చేయడం. ఇది ఇలా ఉంటే ఈ కేసులో మైనర్ తాగి బండి నడిపినట్లు ఒప్పుకున్నాడు.
