Cricketer Venkatesh Iyer married his girlfriend
Venkatesh Iyer: టీమ్ఇండియా ఆల్‌రౌండ‌ర్‌ వెంక‌టేశ్ అయ్య‌ర్ తన బ్యాచిలర్ జీవితానికి గుడ్ బై చెప్పాడు. తన స్నేహితురాలు శృతి ర‌ఘునాథ‌న్‌ను వివాహం ఆడాడు. ద‌క్షిణ భార‌త సంప్ర‌దాయ ప‌ద్ద‌తిలో అతికొద్ది మంది కుటుంబ స‌భ్యులు, స్నేహితులు మ‌ధ్య పెళ్లి వేడుక జ‌రిగింది. గతేడాది న‌వంబ‌ర్‌లో వెంక‌టేశ్-శృతి ల నిశ్చితార్థం జరిగిన విషయం తెలిసిందే. వెంక‌టేశ్ పెళ్లికి సంబంధించిన ఫోటోలు సోష‌ల్ మీడియాలో వైర‌ల్‌గా మారాయి. నెటీజ‌న్లు కొత్త జంట‌కు శుభాకాంక్ష‌లు తెలియ‌జేస్తున్నారు. శృతి ర‌ఘునాథ‌న్ ఓ ఫ్యాషన్ డిజైన‌ర్. బెంగళూరులోని ప్రముఖ ఫ్యాషన్ డిజైనింగ్ కంపెనీలో పనిచేస్తున్నారు.
చదవండి:Aravind Kejriwal : నేను దొంగనని ఒప్పుకుందాం, మీ దగ్గర ఆధారాలు లేవి : కేజ్రీవాల్
ఐపీఎల్‌లో వెంక‌టేశ్ అయ్య‌ర్ కేకేఆర్ జ‌ట్టుకు ప్రాతినద్యం వహించారు. ఈ సీజన్ ఐపీఎల్ ఛాంపియ‌న్‌గా కేకేఆర్ నిలిచింది. కేకేఆర్ విజ‌యంలో అయ్య‌ర్ కీల‌క పాత్ర పోషించాడు. సన్‌రైజర్స్ హైదరాబాద్‌తో జరిగిన ఫైనల్‌లో అర్ధశతకంతో జ‌ట్టును గెలిపించాడు. 26 బంతుల్లో నాలుగు ఫోర్లు, మూడు సిక్సర్లు బాది 52 పరుగులతో నాటౌట్‌గా నిలిచాడు. ఈ క్ర‌మంలో ఓ అరుదైన రికార్డును సాధించాడు. ఐపీఎల్ చరిత్రలో ప్లేఆఫ్స్‌లో వరుసగా నాలుగు అర్ధశతకాలు బాదిన తొలి ప్లేయ‌ర్‌గా చ‌రిత్ర సృష్టించాడు. ఇక టీమ్ఇండియా త‌రుపున రెండు వ‌న్డేలు, తొమ్మిది టీ20 మ్యాచులు ఆడాడు.
చదవండి:Pune Car Accident: పూణే పోర్షే కారు కేసు.. నిందితుడి తల్లిదండ్రులకు జూన్ 5వరకు కస్టడీ
