దేవాలయాలకు సంప్రదాయ దుస్తులు ధరించి వెళ్లడం సంస్కారం. కానీ ఇక్కడొక వ్యక్తి మాత్రం ఆలయానికి నగ్నంగా వెళ్లాడు. అక్కడితో ఆగకుండా ఆలయం నగ్నంగా ధ్యానం చేసి భక్తుల ఆగ్రహానికి గురయ్యాడు. ఈ ఘటన ఇండోనేషియాలోని బాలిలో చోటుచేసుకుంది. ప్ర‌పంచంలోనే అతిపెద్ద హిందూ దేవాల‌యం అయిన బాలిలో ఈ ఘటన జరగడంతో భక్తులు ఆ టూరిస్ట్ పై ఆగ్రహం వ్యక్తం చేస్తున్నారు.
ఆలయం వద్ద టూరిస్ట్ నగ్నంగా ధ్యానం చేస్తున్న వీడియో:
View this post on Instagram
బాలిలోని ఆలయానికి హిందువుల‌తో పాటు ఆయా దేశాల ప‌ర్యాట‌కులు కూడా వచ్చి దర్శించుకుంటూ ఉంటారు. అయితే ఇటీవ‌లే ఆ ఆల‌యంలోకి ఓ వ్యక్తి ప్ర‌వేశించి నగ్నంగా ధ్యానం చేయడం కలకలం రేపింది. నగ్నంగా ఆ వ్యక్తి ధ్యానం చేసిన వీడియో సోషల్ మీడియాలో వైరల్ అవుతోంది. దీంతో భక్తులు ఆ టూరిస్ట్‌పై మండిప‌డుతున్నారు. హిందూ ఆల‌యంలో నగ్నంగా ధ్యానం చేసిన వ్యక్తిని గుర్తించాల‌ని, అతనికి శిక్ష వేయాలని అధికారుల‌ను కోరారు.
చదవండి: Viral: ఏడడుగులు వేయకుంటే హిందూ వివాహం చెల్లదు..కోర్టు షాకింగ్ తీర్పు
నగ్నంగా ధ్యానం చేసిన వ్యక్తిని అధికారులు గుర్తించారు. ఇమ్మిగ్రేష‌న్ అధికారులు ఆ వ్యక్తిని అదుపులోకి తీసుకున్నారు. కానీ అత‌ను ఏ దేశ‌స్తుడు అనే విష‌యాన్ని బ‌హిరంగంగా చెప్పడం లేదు. బాలిలోని హిందూ దేవాల‌యంలో ఇలాంటి ఘటన గ‌తంలోనూ చోటుచేసుకుంది. ర‌ష్యాకు చెందిన లూయిజా కోసిఖ్‌ అనే 40 ఏళ్ల మహిళ బాలిలోని 700 ఏళ్ల నాటి మర్రి చెట్టు ముందు నగ్నంగా ఫోటో తీయించుకున్న వీడియో నెట్టింట వైరల్ అయిన సంగతి తెలిసిందే. అప్పట్లో ఆమెను బాలి నుంచి బహిష్కరించడమే కాకుండా అరెస్ట్ చేసి శిక్ష వేశారు.
