హలీమ్ గింజలు మహిళల్లో రక్తహీనత, హార్మోన్ల సమస్యలను తొలగించి ఎముకలను దృఢంగా మారుస్తాయి. ఐరన్, విటమిన్లు పుష్కలంగా ఉండే ఈ సూపర్ ఫుడ్ బాలింతలకు, బరువు తగ్గాలనుకునే వారికి ఎంతో మేలు చేస్తుంది. రోగనిరోధక శక్తిని పెంచి, చర్మం, జుట్టును ఆరోగ్యంగా ఉంచుతుంది. వీటిని రోజూ తీసుకోవడం వల్ల విటమిన్ సప్లిమెంట్ల అవసరం లేకుండా ఆరోగ్యాన్ని పొందవచ్చు.
వాము గింజల్లో ఉండే థైమాల్ అనే నేచురల్ ఆయిల్ జీర్ణరసాల ఉత్పత్తిని పెంచడంలో కీలక పాత్ర పోషిస్తుంది. ఒక టీ స్పూన్ వాము గింజలను నీటిలో మరిగించి తాగితే గ్యాస్, బ్లోటింగ్ వంటి సమస్యలకు ఉపశమనం లభించే అవకాశం ఉంది. భోజనం చేసిన 30 నిమిషాల తర్వాత ఈ నీరు తీసుకోవడం వల్ల కడుపు భారంగా ఉండే సమస్య తగ్గుతుంది. లేదా పెరుగు నీటిని పలుచగా చేసి అందులో వేయించిన జీలకర్ర పొడి, అల్లం కలిపి తాగాలి.
డయాబెటిస్ ఉన్నవారు స్ట్రాబెర్రీలను మితంగా తీసుకోవాలి. ఇందులో పోషకాలు కలిగి ఉండటంతో పాటు తక్కువ గ్లైసెమిక్ ఉంటుంది. ఇవి రక్తంలో చక్కెర స్థాయిల్లో వచ్చే హెచ్చు తగ్గులను తగ్గించడంలో సహాయపడుతాయి. విటమిన్ సితో పాటు ఫైబర్ ఎక్కువగా ఉంటుంది. చక్కెర స్థాయిలను అదుపులో ఉంచడంలో సహాయపడతాయి. గుండె ఆరోగ్యం కూడా మెరుగుపడుతుంది.
శిశు ఆసనం ఒత్తిడిని తగ్గించి, మానసిక ప్రశాంతతను ఇస్తుంది. వెన్నుముక, భుజాలు, నడుము నొప్పిని తగ్గించి, రక్త ప్రసరణను మెరుగుపరుస్తుంది. అలాగే, జీర్ణక్రియను మెరుగుపరచి, అలసటను తగ్గిస్తుంది. ఇది మెదడును చల్లబరిచి, ఆందోళన, కోపాన్ని తగ్గించి మనస్సును ప్రశాంతపరుస్తుంది. ఉదరంపై ఒత్తిడి పడటం వల్ల జీర్ణ సమస్యలు తగ్గుతాయి. మలబద్ధకం దూరమవుతుంది. తల భాగంలో రక్త ప్రసరణను మెరుగుపరుస్తుంది
కొన్ని చిట్కాలతో కంటి ఆరోగ్యాన్ని మెరుగుపరుచుకోవచ్చు. విటమిన్లు (A, C, E), ఒమేగా-3 ఫ్యాటీ యాసిడ్స్ ఉన్న క్యారెట్లు, ఆకుకూరలు, చేపలు వంటివి ఆహారంలో చేర్చుకోవాలి. స్క్రీన్ చూసేటప్పుడు ప్రతి 20 నిమిషాలకు 20 అడుగుల దూరంలో ఉన్న వస్తువును 20 సెకన్ల పాటు చూడాలి. ఎండలో వెళ్లేటప్పుడు UV ప్రొటెక్షన్ ఉన్న గ్లాసెస్ ధరించాలి. కళ్లకు విశ్రాంతి కోసం రోజుకు కనీసం 7-8 గంటలు నిద్రపోవాలి.
చర్మతత్వానికి నప్పే లోషన్లను ఎంచుకోవడం చాలా ముఖ్యం. ముఖానికి క్రీమ్లు రాసే ముందు చర్మాన్ని శుభ్రం చేయాలి. చర్మం కాస్త తడిగా, వెచ్చగా ఉన్నప్పుడు వీటిని రాస్తే రంధ్రాల్లోకి సులభంగా ఇంకి, తేమను కాపాడతాయి. అందుకే స్నానం చేసిన వెంటనే లోషన్ రాయడం మంచిది. చర్మం చల్లగా ఉంటే గోరువెచ్చని టవల్తో తుడుచుకున్నాక అప్లై చేస్తే ఉత్తమ ఫలితాలు ఉంటాయని నిపుణులు చెబుతున్నారు.
మధ్యాహ్న భోజనంలో ఆకుకూరలను భాగం చేసుకోవడం ఆరోగ్యానికి ఎంతో మేలు చేస్తుందని నిపుణులు చెబుతున్నారు. వారంలో కనీసం మూడు సార్లు తోటకూర, పాలకూర వంటివి పప్పు లేదా వేపుడు రూపంలో తీసుకోవాలి. వీటిలో ఉండే ఐరన్, కాల్షియం ఎముకల పుష్టికి, రక్తహీనత తగ్గడానికి తోడ్పడతాయి. ముఖ్యంగా కంటిచూపు మెరుగుపరచడంలో ఇవి కీలక పాత్ర పోషిస్తాయి.
మెడిటేషన్ ఆరోగ్యకరమైన జీవనశైలికి తొలిమెట్టు. అందుకే రోజూ ఉరుకుల పరుగుల జీవితం మొదలవ్వక ముందే ఓ 5-10 నిమిషాలు కేటాయించండి. కళ్లు మూసుకుని శ్వాసపై ధ్యాస నిలిపి మెడిటేషన్ చేయడం వల్ల మనసుకు ప్రశాంతత లభిస్తుంది. ఇది మానసిక ఒత్తిడిని తగ్గించడమే కాకుండా, ఏకాగ్రతను అద్భుతంగా పెంచుతుంది. ఆఫీసులో పని ఒత్తిడిని తట్టుకుని రోజంతా ఉత్సాహంగా ఉండే శక్తిని ఇస్తుంది.
బ్రేక్ఫాస్ట్లో కేవలం ఉప్మా, పూరీ వంటి కార్బోహైడ్రేట్లే కాకుండా ప్రోటీన్ ఉండేలా చూసుకోవడం ముఖ్యం. గుడ్లు, మొలకెత్తిన పెసలు లేదా పల్లీల చట్నీ వంటివి చేర్చుకుంటే కండరాలకు బలం లభిస్తుంది. ప్రోటీన్ వల్ల త్వరగా ఆకలి వేయదు. రోజంతా ఉత్సాహంగా ఉంటారు. ఆరోగ్యకరమైన జీవనశైలికి సమతుల్య ఆహారం తప్పనిసరి.
పరగడుపున బెడ్ కాఫీ లేదా టీ తాగడం ఆరోగ్యానికి ప్రమాదకరం. నిద్రలేవగానే ఖాళీ కడుపుతో వీటిని తీసుకోవడం వల్ల ఎసిడిటీ, గ్యాస్ వంటి జీర్ణ సమస్యలు తలెత్తుతాయి. అంతేకాకుండా, శరీరంలో కార్టిసోల్ (స్ట్రెస్ హార్మోన్) స్థాయిలు పెరిగి ఒత్తిడికి గురిచేస్తాయి. కాబట్టి, ఉదయాన్నే కనీసం ఒక గ్లాసు నీళ్లు తాగిన తర్వాతే టీ లేదా కాఫీ తీసుకోవడం మంచిదని ఆరోగ్య నిపుణులు సూచిస్తున్నారు.
స్కిప్పింగ్ శారీరక దృఢత్వానికి అద్భుతమైన వ్యాయామం. ఇది కేవలం పది నిమిషాలు చేస్తే, ఎనిమిది నిమిషాల పరుగుతో సమానమైన క్యాలరీలను ఖర్చు చేస్తుంది. గుండె ఆరోగ్యాన్ని మెరుగుపరచడమే కాకుండా, శరీర సమతుల్యతను, ఏకాగ్రతను పెంచుతుంది. ఎముకల సాంద్రత పెరగడానికి ఇది ఎంతో దోహదపడుతుంది. బరువు తగ్గాలనుకునే వారు రోజూ స్కిప్పింగ్ చేయడం ద్వారా తక్కువ సమయంలోనే మంచి ఫలితాలు పొందవచ్చు.
నోటి ఆరోగ్యాన్ని కాపాడుకోవడానికి ‘ఆయిల్ పుల్లింగ్’ ఒక అద్భుతమైన మార్గం. ప్రతిరోజూ బ్రష్ చేయడానికి ముందు నువ్వుల నూనె లేదా కొబ్బరి నూనెను నోట్లో వేసుకుని 10 నిమిషాల పాటు పుక్కిలించి ఊసేయాలి. ఇది నోటిలోని హానికర బ్యాక్టీరియాను తొలగించి, దంతాలను దృఢంగా మారుస్తుంది. చిగుళ్ల సమస్యలను దూరం చేయడమే కాకుండా నోటి దుర్వాసనను కూడా తగ్గిస్తుంది.
అంతర్జాతీయ ఫ్యాషన్ రంగంలో భారత కీర్తి పతాకాన్ని ఎగురవేస్తూ.. ఓ తెలుగమ్మాయి సరికొత్త రికార్డు సృష్టించింది. ప్రపంచ ప్రఖ్యాతి గాంచిన లగ్జరీ ఫ్యాషన్ బ్రాండ్ ఛానెల్ ‘హౌస్ అంబాసిడర్’గా హైదరాబాద్కు చెందిన భవితా మండవ నియమితురాలయ్యారు. మార్గోట్ రాబీ, జెన్నీ కిమ్ వంటి అంతర్జాతీయ స్టార్ల సరసన ఒక భారతీయురాలు ఈ గౌరవాన్ని దక్కించుకోవడం ఇదే తొలిసారి కావడం విశేషం.
వేసవి ఎండల నుండి ఉపశమనం పొందేందుకు పర్యాటకులు కర్ణాటకలోని కూర్గ్ వెళ్లేందుకు ఆసక్తి చూపుతున్నారు. భారతదేశపు స్కాట్లాండ్గా పిలిచే ఈ ప్రాంతం, అందమైన కాఫీ తోటలు, జలపాతాలతో పర్యాటకులను ఆకట్టుకుంటోంది. చల్లని వాతావరణం ఉండటం వల్ల కుటుంబంతో గడపడానికి ఇది అనువుగా ఉంటుంది. HYD నుంచి బెంగళూరు మీదుగా రోడ్డు మార్గంలో ఇక్కడికి సులభంగా చేరుకోవచ్చు.
కొన్ని చిట్కాలతో మెడ నొప్పిని తగ్గించుకోవచ్చు. కూర్చున్నప్పుడు వెన్నుముక నిటారుగా ఉంచాలి. ఫోన్ చూసేటప్పుడు మెడను మరీ వంచకూడదు. మెడను నెమ్మదిగా అటు ఇటు తిప్పుతూ స్ట్రెచెస్ చేయాలి. పడుకునేటప్పుడు సౌకర్యవంతమైన మెత్తని దిండును ఎంచుకోవాలి. కంప్యూటర్ ముందు పనిచేసేవారు ప్రతి 30 నిమిషాలకు ఒకసారి బ్రేక్ తీసుకుంటే బెటర్. నొప్పి తీవ్రంగా ఉంటే ఐస్ ప్యాక్ లేదా వేడి కాపడం పెట్టాలి.
