హీరో సిద్ధార్థ్(Siddharth)కి టాలీవుడ్ లో మంచి క్రేజ్ ఉంది. బొమ్మరిల్లు, బాయ్స్, నువ్వొస్తానంటే నేనొద్దంటానా వంటి సినిమాల్లో తెలుగు తెరపై అదరట్టారు. అయితే.. ఆ తర్వాత ఆయన సినిమాలు కొన్ని ఆకట్టుకోలేదు. దీంతో కాస్త దూరం పెరిగింది. అయితే, చాలా కాలం తర్వాత చేసిన మహా సముద్రం సైతం మెప్పించలేకపోయింది. దీంతో ఈసారి బెస్ట్ కమ్ బ్యాక్ తో రావాలని ఆయన డిసైడ్ అయ్యారు.
సిద్ధార్థ్ ఈ సారి “టక్కర్(Takkar)” గా మన ముందుకు రావడానికి రెడీ అయ్యారు. ఈ సినిమా రిలీజ్ కి దగ్గరపడింది.ఈ చిత్రాన్ని దర్శకుడు కార్తీక్ జి క్రిష్ తెరకెక్కించాడు. మరి ఈ చిత్రాన్ని మేకర్స్ ఇది వరకే మే 6న రిలీజ్ చేస్తామని ప్రకటించారు. కానీ ఇప్పుడు ఆ డేట్ నుంచి మార్చినట్టు గా కన్ఫర్మ్ చేశారు. ఈ చిత్రాన్ని ఇపుడు పోస్ట్ పోన్ చేసి ఈ జూన్ 9న వరల్డ్ వైడ్ గా రిలీజ్ చేస్తున్నట్టుగా తెలిపారు.
ఇది కూడా చూడండి: ARM టీజర్ రిలీజ్..ఉత్కంఠ రేపుతున్న వీడియో
తెలుగు, తమిళ భాషల్లో థియేటర్లలో గ్రాండ్‌గా విడుదల కానున్న ఈ చిత్రంలో యోగిబాబు, అభిమన్యు సింగ్‌, మునిష్‌కాంత్‌, విఘ్నేశ్‌ కాంత్‌, రామ్‌దాస్‌ కీలక పాత్రల్లో నటిస్తున్నారు. పేద యువకుడు, డబ్బున్న అమ్మాయికి మధ్య సాగే కథతో టక్కర్(Takkar) తెరకెక్కుతున్నట్టు ఇప్పటివరకు వచ్చిన రషెస్‌తో అర్థమవుతోంది.
ఇక ఈ చిత్రంలో దివ్యాన్షా కౌశిక్ హీరోయిన్ గా నటించింది. ఇక ఈ చిత్రానికి నివాస్ కే ప్రసన్న సంగీతం అందించగా అభిషేక్ అగర్వాల్ ఆర్ట్స్, టీజీ విశ్వ ప్రసాద్ నిర్మాణ బాధ్యతలు చేపట్టారు.
ఇది కూడా చూడండి: Bichagadu 2: ఫస్ట్ డే కలెక్షన్స్.. అస్సలు ఊహించలేదుగా!
