టోవినో థామస్ గురించి తెలుగు ప్రేక్షకులకు ప్రత్యేకంగా పరిచయం అక్కర్లేదు. కోవిడ్ లాక్‌డౌన్ సమయంలో విడుదలైన అతని సూపర్ హీరో చిత్రం మిన్నల్ మురళికి దేశవ్యాప్తంగా అన్ని భాషల్లో అద్భుతమైన స్పందన వచ్చింది. ఇప్పుడు ఈ యువ హీరో పాన్ ఇండియా చిత్రం ARM (అజయంతే రందం మోషణం)లో నటిస్తున్నాడు.
ఈ చిత్రం కన్నడ, తెలుగు, హిందీ, తమిళం మరియు మలయాళంలో విడుదల కానుంది. పృథ్వీరాజ్ మలయాళ టీజర్‌ను విడుదల చేయగా, హిందీ, తెలుగు, తమిళం, కన్నడ వెర్షన్‌లను వరుసగా హృతిక్ రోషన్, నాని, కార్తీ , రక్షిత్ శెట్టి విడుదల చేశారు.
తెలుగు వెర్షన్ టీజర్‌ను నేచురల్ స్టార్ నాని లాంచ్ చేశారు. విడుదలైన వీడియోలో పవిత్ర దీపాన్ని దొంగిలించిన దొంగ మణియన్ కథను చెప్పమని ఓ అమ్మాయి తన బామ్మను అడగడంతో టీజర్ ప్రారంభమవుతుంది. స్వాతంత్య్ర పూర్వం నేపథ్యంలో కథ సాగినట్లు తెలుస్తోంది.
ఇది కూడా చూడండి: Kavya thapar: బిచ్చగాడు 2 హీరోయిన్ హాట్ పిక్స్
కథానాయకుడు యాక్షన్‌తో కూడిన ఎంట్రీని అద్భుతంగా చూపించాడు. దీంతోపాటు అతని కోసం గ్రామస్తులు వెంటాడటం, స్టంట్ సీక్వెన్స్ సీన్లు చూస్తే ఈ చిత్రంపై మరింత ఆసక్తి పెరుగుతుంది. ఈ చిత్రంలో టోవినో నోట్లో బీడీ పెట్టుకుని పెద్ద జుట్టుతో మరి క్రూరంగా కనిపిస్తున్నాడు.
ఈ మూవీకి జితిన్ లాల్ దర్శకత్వం వహించగా..సుజిత్ నంబియార్ స్టోరీ అందించారు. జచారియా థామస్, లిస్టిన్ స్టీఫెన్ ఈ చిత్రానికి నిర్మాతలుగా వ్యవహరిస్తున్నారు. ఇక సంగీతం & BGM ధిబు నినాన్ థామస్ అందిస్తుండగా..కృతి శెట్టి, ఐశ్వర్య రాజేష్ కథానాయికలుగా నటిస్తున్నారు. మొత్తంగా ఈ టీజర్ చూస్తే యాక్షన్ తో కూడిన థ్రిల్లర్ మూవీ మాదిరిగా అనిపిస్తుంది. ఈ సినిమా విడుదల తేదీని ఇంకా ప్రకటించాల్సి ఉంది.
ఇది కూడా చూడండి: Junior ntr: తాత శతజయంతి వేడుకలకు జూ ఎన్టీఆర్ రావట్లేదు..ఇందుకేనటా!
