పాన్ ఇండియా స్టార్ ప్రభాస్, పవర్ స్టార్ పవన్ కళ్యాణ్ క్రేజ్ మరియు ఫ్యాన్ ఫాలోయింగ్ గురించి కొత్తగా చెప్పేదేమి లేదు. అయితే ప్రస్తుతం ఈ ఇద్దరు స్టార్ హీరోల నుంచి కొత్త సినిమాలేవి రిలీజ్‌కు రెడీగా లేవు. వీళ్ల నుంచి సినిమాలు రావాలంటే.. ఇంకొన్ని నెలలు వెయిట్ చేయాల్సి ఉంది. పవన్ నటిస్తున్న ‘హరిహర వీరమల్లు’ వచ్చే సమ్మర్‌లో రిలీజ్‌కు ప్లాన్ చేస్తుండగా.. ప్రభాస్ ‘ఆదిపురుష్’ జూన్‌లో రాబోతోంది. కానీ ఈ ఇయర్‌ ఎండింగ్‌తో పాటు అన్‌స్టాపబుల్ షోకు కూడా అదిరిపోయే ఫైనల్ టచ్ ఇచ్చారు ప్రభాస్, పవన్. ఇప్పటికే బాలయ్యతో కలిసి అన్‌స్టాపబుల్ షోలో ప్రభాస్ సందడి చేసిన సంగతి తెలిసిందే. అ షో కోసం ఈగర్‌గా వెయిట్ చేస్తున్నారు ఆడియెన్స్. అయితే ప్రభాస్ ఎపిసోడ్ స్ట్రీమింగ్ అవకముందే.. పవన్ ఎపిసోడ్‌ని షూట్ చేసి మరింత కిక్ ఇచ్చారు ఆహావారు. ఈ ఇద్దరితో బాలయ్య టాక్ షో చేయడంతో.. సోషల్ మీడియా హోరెత్తిపోతోంది. బ్యాక్ టు బ్యాక్ ప్రభాస్, పవన్ అన్‌స్టాపబుల్ షోకు రావడంతో ఫ్యాన్స్ హ్యాపీ ఫీల్ అవుతున్నారు. పవన్ ఎపిసోడ్ అన్‌స్టాపబుల్ సెకండ్ సీజన్‌కు ఎండ్ కార్డ్ పడబోతోంది. అంతేకాదు.. 2022కి లాస్ట్ పంచ్ ఇచ్చేది కూడా వీళ్లే. ప్రభాస్, బాలయ్య టాక్ షో డిసెంబర్ 30న స్ట్రీమింగ్ అవనుండగా.. పవన్ ‘ఖుషి’ మూవీ డిసెంబర్ 31న రీ రిలీజ్ కాబోతోంది. ఇలా ఫుల్లుగా ఎంజాయ్ చేస్తున్నారు అభిమానులు. అయితే వీళ్లతో కలిసి నటసింహం బాలకృష్ణ ఇచ్చిన బూస్టింగ్ నెక్స్ట్ లెవల్‌కి తీసుకెళ్లింది. అంతేకాదు.. సంక్రాంతికి వీరసింహారెడ్డితో మరింత జోష్ ఇవ్వబోతున్నారు బాలయ్య. దాంతో ఈ ముగ్గురు స్టార్ హీరోల ఫ్యాన్స్ సోషల్ మీడియాలో రచ్చ రచ్చ చేస్తున్నారు. ఎక్కడ చూసిన బాలయ్య, పవన్, ప్రభాసే కనిపిస్తున్నారు. మొత్తంగా బాలయ్యతో కలిసి.. 2022కి పవన్, ప్రభాస్ ఫైనల్ టచ్ ఇచ్చారని చెప్పొచ్చు.
