ప్రస్తుతం టాలీవుడ్‌లో రీ రిలీజ్ ట్రెండ్ సరికొత్త ట్రెండ్‌గా మారిపోయింది. ముఖ్యంగా మహేష్ బాబు, పవన్ కళ్యాణ్ ఫ్యాన్స్ రీ రిలీజ్ విషయంలో ఫుల్లుగా సెలబ్రేట్ చేసుకుంటున్నారు. ఇప్పటికే పోకిరి, జల్సా సినిమాలను రీ రిలీజ్ చేసి రచ్చ చేశారు. దాంతో ఇరవై ఏళ్ళ తర్వాత కూడా ఆ సినిమాలు రికార్డ్స్ క్రియేట్ చేస్తున్నాయి. డిసెంబర్ 31న రిలీజ్ అయినా పవర్ స్టార్ బ్లాక్ బస్టర్ మూవీ ‘ఖుషి’.. బాక్సాఫీస్ దగ్గర దుమ్ముదులిపేసింది. కొత్త సంవత్సరం కానుకగా పవర్ స్టార్ నామస్మరణతో సోషల్ మీడియా ఊగిపోయింది. అందుకు తగ్గట్టే భారీ వసూళ్లు రాబట్టింది ఖుషి. ముందుగా కొన్ని లిమిటెడ్ థియేటర్లలో రిలీలజ్ చేయాలని అనుకున్నప్పటికీ.. ఫ్యాన్స్ డిమాండ్‌తో థియేటర్ల సంఖ్య పెరిగిపోయింది. దాంతో మొదటి రోజు ఊహించని కలెక్షన్లు వచ్చినట్టు తెలుస్తోంది. మొత్తంగా రెండు తెలుగు రాష్ట్రాల్లో మూడున్నర కోట్లకు పైగా గ్రాస్ వచ్చినట్లు ట్రేడ్ వర్గాల సమాచారం. ఇదే ఊపులో పవర్ స్టార్ నటించిన మరో ఎవర్ గ్రీన్ మూవీని రీ రిలీజ్ చేసేందుకు ప్లాన్ చేస్తున్నారు. పవన్ కెరీర్లోనే బిగ్గెస్ట్ హిట్‌గా నిలిచిన ‘తొలి ప్రేమ’ చిత్రాన్ని4కె రెజ‌ల్యూష‌న్‌తో వాలెంటైన్స్ డే సందర్భంగా రీ రిలీజ్ చేయాల‌నుకుంటున్నార‌ట. త్వరలో దీనిపై అధికారిక ప్రకటన రానుందని అంటున్నారు. అయితే ఈ లోపే జనవరి 7న మహేష్ బాబు నటించిన ఒక్కడు మూవీని కూడా రీ రిలీజ్ చేయబోతున్నారు. ఈ సినిమా రిలీజ్ అయి 20 ఏళ్లవుతున్న సందర్భంగా.. మళ్లీ రిలీజ్ చేస్తున్నారు. ఏదేమైనా.. రీ రిలీజ్ ఇషయంలో పవన్, మహేష్ ఫ్యాన్స్ రచ్చ రచ్చ చేస్తున్నారని చెప్పొచ్చు.
