సినీ అభిమానులు ఎప్పుడెప్పుడా అని ఎదురుచూస్తున్న ప్రాజెక్ట్K నుంచి ఫస్ట్ గ్లింప్స్ రిలీజ్ అయ్యింది. ఈ గ్లింప్స్ వీడియో గూస్ బంప్స్ తెప్పిస్తోంది. ప్రభాస్ ఫస్ట్ లుక్‌పై ఇప్పటికే అనేక భిన్నాభిప్రాయాలు వచ్చాయి. అయితే రిలీజ్ అయిన గ్లింప్స్ వాటన్నింటికీ చెక్ పెట్టేసింది. ప్రాజెక్ట్k వర్కింగ్ టైటిల్‌తో ప్రారంభమైన ఈ సినిమా టైటిల్‌ను కల్కి 2898 ఏడీగా ఖరారు చేశారు. విడుదలైన వీడియోలో ప్రభాస్ లుక్ అదిరిపోయింది.
ప్రాజెక్ట్ K గ్లింప్స్ వీడియో:
అమెరికాలోని శాన్‌డియాగో కామిక్ కాన్‌లో శుక్రవారం అర్ధరాత్రి ప్రాజెక్ట్k ఫస్ట్ గ్లింప్స్‌ను చిత్ర యూనిట్ రిలీజ్ చేసింది. గ్లింప్స్ ప్రారంభంలో..ప్రపంచాన్ని చీకటి చుట్టుముట్టినప్పుడు ఓ శక్తి ఉద్భవిస్తుంది అంటూ చెప్పై డైలాగ్ అందరికీ గూస్ బంప్స్ తెప్పిస్తోంది. వాటీజ్ ప్రాజెక్ట్K అనే డైలాగ్‌తో గ్లింప్స్ వీడియో ముగుస్తుంది. దుష్టశక్తుల చేతిలో సామాన్యులు పడే అవస్థల నుంచి వారిని రక్షించేందుకు ఉద్భవించిన శక్తిగా ప్రభాస్‌ను చూపిస్తారు.
చదవండి: Ram Charan : ఎమోషనల్ వీడియోను పోస్ట్ చేసిన రామ్ చరణ్
గ్లింప్స్‌లో దీపికా పదుకొనే ఇంట్రో కూడా అదిరిపోయింది. దర్శకుడు నాగ్ అశ్విన్, ప్రొడ్యూసర్ అశ్వినీదత్ భారీ స్థాయిలో ఈ మూవీని తెరకెక్కిస్తున్నారు. ఈ మూవీలో అమితాబచ్చన్, కమల్ హాసన్, దీపికా పదుకొనె, దిశా పటానీ వంటివారు నటిస్తున్నారు. విలన్‌గా కమల్ హాసన్ నటిస్తున్నారు. అయితే ఆయనకు సంబంధించిన సీన్స్‌ను గ్లింప్స్‌లో చూపించలేదు. అద్భుతమైన యాక్షన్, సైంటిఫిక్ ఫిక్షన్ మూవీగా కల్కి 2898ఏడీ తెరకెక్కుతోంది. గ్లింప్స్ వీడియోకు ఫ్యాన్స్ ఫిదా అవుతున్నారు. అందులోనూ ముఖ్యంగా ప్రభాస్ ఫ్యాన్స్ పండగ చేసుకుంటున్నారు.
