ప్రభాస్ నటిస్తున్న మోస్ట్ అవైటేడ్ పాన్ ఇండియా ఫిల్మ్ ‘ఆదిపురుష్’ నుంచి.. అఫిషీయల్ అప్డేట్ వచ్చి చాలా రోజులే అవుతోంది. అయోధ్యలో గ్రాండ్‌గా రిలీజ్ చేసిన టీజర్‌కు నెగిటివ్ ఫీడ్ బ్యాక్ రావడంతో.. మళ్లీ గ్రాఫిక్స్ రీ వర్క్ జరుగుతోంది. అందుకోసం సినిమాను ఆరు నెలలు పోస్ట్‌పోన్ చేశాడు డైరెక్టర్ ఓం రౌత్. అయితే ఈసారి మాత్రం పోస్ట్‌పోన్ చేసే ఛాన్స్ లేదని వినిపిస్తోంది. ఎట్టిపరిస్థితుల్లోను జూన్ 16న ఆదిపురుష్‌ని రిలీజ్ చేయడానికి గట్టిగా కసరత్తులు చేస్తున్నారు. ఇప్పటికే విజువల్ ఎఫెక్ట్స్ వర్క్ మెజారిటీ పార్ట్ కంప్లీట్ అయిందని తెలుస్తోంది. దీంతో ఆదిపురుష్ అప్డేట్స్ ఇచ్చేందుకు రెడీ అవుతున్నారట మేకర్స్. అయితే ఈసారి అదిరిపోయే సాంగ్ రిలీజ్ చేసేందుకు ప్లాన్ చేస్తున్నారట. మార్చిలోనే ఈ సాంగ్ విడుదల చేసే ఛాన్స్ ఉందంటున్నారు. ఇక అప్పటి నుంచి ప్రమోషన్ స్టార్ట్ చేయాలని భావిస్తోంట చిత్ర యూనిట్. త్వరలోనే సాంగ్ అప్డేట్ ఉంటుందని అంటున్నారు. దాంతో ఈ సాంగ్ కోసం ఈగర్లీ వెయిటింగ్ అంటున్నారు ప్రభాస్ ఫ్యాన్స్. అయితే ఇంతకు ముందు వచ్చిన టీజర్ చూసి.. సాంగ్ ఎలా ఉంటుందనే డౌట్స్ కూడా వస్తున్నాయి. కానీ ఈసారి మాత్రం ఓం రౌత్ కాస్త జాగ్రత్తగానే గ్రాఫిక్స్ వర్కౌట్ చేసినట్టు సమాచారం. అయితే సాంగ్ రిలీజ్ అయితే గానీ.. అసలు విషయం చెప్పలేం. ఇకపోతే.. దాదాపు 500 కోట్ల బడ్జెట్‌తో తెరకెక్కుతున్న ఈ సినిమాలో.. రాముడిగా ప్రభాస్ నటిస్తుండగా.. కృతి సనన్ సీత పాత్రలో నటిస్తోంది.. సైఫ్ ఆలీఖాన్ రావణుడి పాత్రలో కనిపించనున్నాడు. మరి ఆదిపురుష్ సాంగ్ ఎలా ఉంటుందో చూడాలి.
