Hyderabad : హైదరాబాద్ పోలీసులు మరో భారీ డ్రగ్ మాఫియా గుట్టు రట్టు చేశారు. కొత్త సంవత్సరం సందర్భంగా మహారాష్ట్ర నుంచి డ్రగ్స్ తెస్తున్న ముగ్గురు నేరగాళ్లను పోలీసులు గుర్తించి అరెస్ట్ చేశారు. ముగ్గురి నుంచి సుమారు ఏడు లక్షల రూపాయల విలువైన 100 గ్రాముల ఎండీఎంఏ డ్రగ్‌ను పోలీసులు స్వాధీనం చేసుకున్నారు. ఈ ముగ్గురు మహారాష్ట్రలో గ్రాము రూ.2 వేల చొప్పున ఎండీఎంఏ మందును కొనుగోలు చేసి హైదరాబాద్‌లో గ్రాము రూ.7 వేలకు విక్రయిస్తున్నారు. విచారణలో, మహారాష్ట్రలోని నైజీరియన్ అయిన జ్యో నుంచి ఈ డ్రగ్స్ కొనుగోలు చేసినట్లు నిందితులు తెలిపారు. ప్రస్తుతం జ్యో పరారీలో ఉన్నాడు. అతడి కోసం గాలిస్తున్నట్లు పోలీసులు ఈ సందర్భంగా తెలిపారు. సెంట్రల్ జోన్ డీసీపీ శరత్ పవార్ మీడియాతో మాట్లాడుతూ.. న్యూ ఇయర్ వేడుకల సందర్భంగా హైదరాబాద్‌లోని పబ్‌లు, బార్‌లపై మన పోలీసులు నిఘా ఉంచారు.
