KMM: తిరుమలాయపాలెం FPCలో ముఖ్య కార్యనిర్వహణ అధికారి (CEO)గా తాత్కాలిక పద్ధతిన పనిచేయుటకు అర్హులైన అభ్యర్థులు దరఖాస్తు చేసుకోవాలని FPC ఛైర్మన్ గోవింద కవిత ఓ ప్రకటనలో తెలిపారు. గుర్తింపు పొందిన విద్యా సంస్థల నుండి అగ్రికల్చర్ గ్రాడ్యుయేట్, అగ్రికల్చర్ మార్కెటింగ్, అగ్రికల్చర్ బిజినెస్ మేనేజ్‌మెంట్, అగ్రికల్చర్ డిప్లొమా, తత్సమాన అర్హత కలిగి ఉండలన్నారు.
W.G: ఏపీ రాష్ట్ర నైపుణ్యాభివృద్ధి, నేషనల్ కెరీర్ సర్వీస్ సంస్థ ఆధ్వర్యంలో నరసాపురంలోని వై.ఎన్ కళాశాలలో శనివారం జాబ్ మేళా నిర్వహించనున్నట్లు జిల్లా నైపుణ్యాభివృద్ధి అధికారి పి. లోకమాన్ తెలిపారు. ఈ మేళాలో 70 మందికి ఉద్యోగ అవకాశం కల్పిస్తామన్నారు. అభ్యర్థులు 18 నుంచి 30 ఏళ్ల వయసు కలిగి, 10వ తరగతి, ఐటీఐ, ఇంటర్, డిగ్రీ, పీజీలలో ఉత్తీర్ణులైన వారిని అర్హులుగా పేర్కొన్నారు.
గ్లోబల్ టెక్ జెయింట్ గూగుల్ లేఆఫ్స్ ప్రకటించింది. గూగుల్ సీఈవో సుందర్ పిచాయ్ తన సిబ్బందితో కొంతమందిని తొలగిస్తున్నట్లు హింట్ ఇచ్చారు. ప్రపంచ వ్యాప్తంగా ఉన్న తన ఉద్యోగుల్లో 10శాతం మందిని తొలగించే అవకాశం ఉందని తెలుస్తోంది. ముఖ్యంగా మేనేజర్, డైరెక్టర్, వైస్ ప్రెసిడెంట్ వంటి కీలక స్థానాల్లో ఉన్న ఉద్యోగులపై కోతలు ఉంటాయని గూగుల్ సర్వ సభ్య సమావేశంలో పిచాయ్ సూచించినట్లు తెలుస్తోంది.
CAT 2024 ఫలితాలు విడుదలయ్యాయి. క్యాట్ 2024 ఫలితాలను IIM ప్రకటించింది. తుది ఆన్సర్ కీ ఆధారంగా ఫలితాలను వెలువరించారు. అభ్యర్థులు https://iimcat.ac.in వెబ్ సైట్ లోకి వెళ్లి ఫలితాలను చెక్ చేసుకొని డౌన్ లోడ్ చేసుకోవచ్చు. నవంబర్ 24, 2024న దేశవ్యాప్తంగా 389 సెంటర్లలో CAT 2024 పరీక్ష నిర్వహించారు.
అల్లూరి: అరకులోయ మండలంకు నాలుగు ఆయా పోస్టులు మంజూరైనట్లు సీడీపీవో కె శారదా తెలిపారు. మండలంలోని పద్మాపురం పంచాయితీ బొండంగూడ, లోతేరు పంచాయితీలో తోటవలస, లండిగుడ, మాదల పంచాయితీ కమలతోట గ్రామాల్లో ఖాళీలు ఉన్నాయన్నారు. ఆయా గ్రామాల్లో స్ధిర నివాసితులైన వివాహితులు ఈనెల 31లోపు ధరఖాస్తులను ఐసిడిఎస్ ఆఫీసులో అందజేయాలన్నారు. ఈ పోస్టులకు పదవ తరగతి పాసైన వారు అర్హులన్నారు.
సూర్యపేట జిల్లా చివ్వెంలకు చెందిన సోమిరెడ్డి తెలంగాణా సంక్షేమ గిరిజన మినీ బాలికల గురుకుల పాఠశాలకు స్పోర్ట్స్ మెటీరియల్ అందజేశారు. శుక్రవారం ఈ సందర్భంగా వారు మాట్లాడుతూ.. విద్యార్థులు క్రీడా పరిజ్ఞానాన్ని పెంపొందించుకోవాలన్నారు. ఈ కార్యక్రమంలో వేముల చిన్న, జాఫర్ ఖాన్, కొణతం వెంకట్ రెడ్డి, స్కూల్ టీచర్లు పాల్గొన్నారు.
సంగారెడ్డిలోని బాబానగర్ ప్రభుత్వ ప్రాథమిక పాఠశాలను మండల విద్యాధికారి విద్యాసాగర్ శుక్రవారం సందర్శించారు. పాఠశాలలో విద్యార్థులకు అందుతున్న బోధన తీరును ఉపాధ్యాయులను అడిగి తెలుసుకున్నారు. అనంతరం విద్యార్థుల చదువు తీరును పరిశీలించారు. ఈ కార్యక్రమంలో పాఠశాల HM మనోహర్, ఉపాధ్యాయులు పాల్గొన్నారు.
తెలుగు రాష్ట్రాలలో బంగారం ధరలు వరుసగా మూడో రోజు తగ్గాయి. నిన్నటితో పోల్చితే 22 క్యారెట్ల 10 గ్రాముల బంగారం ధర రూ.300 తగ్గింది. దీంతో 22 క్యారెట్ల 10 గ్రాముల బంగారం ధర రూ.70,400గా ఉంది. అటు 24 క్యారెట్ల 10 గ్రాముల బంగారం ధర రూ.330 తగ్గి రూ.76,860గా నమోదైంది. వెండి కూడా బంగారం బాటలోనే పయనించింది. ఈ మేరకు కిలో వెండి ధర రూ.1000 తగ్గడంతో రూ.98వేలుగా కొనసాగుతోంది.
KKD: ఏలేశ్వరం వీఎస్ఆర్ డిగ్రీ కళాశాలలో శనివారం ఉదయం 10 గంటల నుంచి మినీ ఉద్యోగ జాబ్ మేళా నిర్వహిస్తున్నామని జిల్లా నైపుణ్యాభివృద్ధి అధికారి ఎం. కొండలరావు, ఉపాధి సంస్థ అధికారి శ్రీనివాస్ గురువారం ఓ ప్రకటనలో తెలిపారు. పది, ఇంటర్, డిగ్రీ, ఐటీఐ ఉత్తీర్ణులై 19 నుంచి 35 ఏళ్ల లోపు వయసు వారు హాజరు కావాలన్నారు. మరిన్ని వివరాలకు 8688977277 నంబర్‌ను సంప్రదించాలన్నారు.
ASF: కాగజ్‌నగర్ కళాశాలలో అతిథి అధ్యాపకుల నియామకం కోసం దరఖాస్తులను ఆహ్వానిస్తున్నట్లు ప్రిన్సిపాల్ శ్రీదేవి శుక్రవారం ఒక ప్రకటనలో తెలిపారు. ఆంగ్లం, చరిత్ర, కంప్యూటర్ సైన్స్, బోటనీ, కామర్స్ పోస్టులు ఖాళీగా ఉన్నాయని అర్హులైన వారు ఈనెల 27న సాయంత్రం 4 గంటలలోపు కళాశాలలో దరఖాస్తు చేసుకోవాలని సూచించారు.
కృష్ణా: ఆచార్య నాగార్జున యూనివర్సిటీ పరిధిలో అక్టోబర్-2024లో నిర్వహించిన M.SC. నానోటెక్నాలజీ 1వ సెమిస్టర్, సెప్టెంబర్-2024లో ఫిజిక్స్, కెమిస్ట్రీ 2వ సెమిస్టర్ రెగ్యులర్ పరీక్షల ఫలితాలు విడుదలైనట్లు యూనివర్సిటీ అధికారులు తెలిపారు. విద్యార్థులు అధికారిక వెబ్ సైట్‌లో తమ రిజిస్టర్ నెంబర్ ద్వారా ఫలితాలను చూసుకోవచ్చని సూచించారు.
KRNL: 2 వారాలుగా విద్యార్థులకు వర్చువల్ ద్వారా విద్యాబోధన జరుగుతోందని కలెక్టర్ రంజిత్ బాషా తెలిపారు. గురువారం కర్నూలు కలెక్టరేట్లో పదో తరగతి పరీక్షల ఉత్తీర్ణతా శాతం పెంపుపై సమీక్ష నిర్వహించారు. ఆయన మాట్లాడుతూ.. ప్రతి విద్యార్థి పదో తరగతిలో ఉత్తీర్ణత సాధించేలా ఉపాధ్యాయులు చర్యలు తీసుకోవాలన్నారు.
WNP: కళాశాల విద్య కమిషన్ ఆదేశాల మేరకు వనపర్తి జిల్లా ప్రభుత్వ మహిళ డిగ్రీ కళాశాలలో కంప్యూటర్ సైన్స్ బోధించుటకు అర్హత కలిగిన అభ్యర్థుల నుంచి దరఖాస్తులు ఆహ్వానిస్తున్నట్లు కళాశాల ప్రిన్సిపల్ ఈశ్వరయ్య గురువారం ఒక ప్రకటనలో తెలిపారు. ఈనెల 21 వరకు బయోడేటాతో కళాశాలలో దరఖాస్తు చేసుకోవాలని సూచించారు. కమిషన్ ఇచ్చిన నియమ నిబంధనల ప్రకారం నియామకాలు జరుగుతాయన్నారు.
WNP: ఐటిఐ పూర్తిచేసిన అభ్యర్థులకు హైదరాబాదులోని ఐఐసీటీలో ఉద్యోగాల కొరకు దరఖాస్తులు ఆహ్వానిస్తున్నట్లు వనపర్తి ప్రభుత్వ ఐటీఐ ప్రిన్సిపాల్ రమేష్ బాబు ఒక ప్రకటనలో తెలిపారు. ఎలక్ట్రిషియన్, ఫిట్టర్, డ్రాఫ్ట్స్‌మన్ సివిల్ ట్రేడ్‌లో ఉత్తీర్ణత సాధించిన వారు అర్హులన్నారు. ఆసక్తి కలిగిన వారు http://www.iict.res.in వెబ్‌సైట్‌లో ఈనెల 26 వరకు దరఖాస్తు చేసుకోవాలన్నారు.
NLG: ITI కోర్సు పూర్తి చేసిన అభ్యర్థులకు పాలిటెక్నిక్ రెండవ సంవత్సరం డిప్లొమా కోర్సు (బ్రిడ్జి కోర్సు)లో ప్రవేశాలకు దరఖాస్తు చేసుకోవాలని ప్రభుత్వ బాలికల న్యూ ITI ప్రిన్సిపాల్ వెంకన్న ఒక ప్రకటనలో తెలిపారు. రెండేళ్లు ITI (ఇంజనీరింగ్ (NCVT) కోర్సు 60 శాతం మార్కులతో ఉత్తీర్ణత పొందిన వారు ఈ నెల 18 నుంచి జనవరి 30వ తేదీ వరకు కాలేజీలో సంప్రదించాలన్నారు.
